അന്തർദേശീയം

മലേഷ്യയിൽ അജ്ഞാത രോഗം; 12 മരണം 46 പേർ ഗുരുതരാവസ്ഥയിൽ

അജ്ഞാത രോഗത്തേ തുടർന്ന് മലേഷ്യയിൽ 12 പേർ മരിച്ചു. കെലാന്തൻ സംസ്ഥാനത്തെ ഉൾനാടൻ ഗ്രാമത്തിലാണ് രോഗം പടരുന്നത്. എന്നാൽ എന്തുതരം രോഗമാണ് ഇതെന്ന് മലേഷ്യൻ ആരോഗ്യ അധികൃതർക്ക് മനസിലാക്കാൻ സാധിച്ചിട്ടില്ല. പ്രദേശത്തെ ഗോത്രവർഗ വിഭാഗത്തിനിടയിലാണ് രോഗം റിപ്പോർട്ട് ചെയ്തിരിക്കുന്നത്.
ഗ്രാമത്തിൽ അടുത്തിടെ മരിച്ച 14 പേരുടെ മൃതദേഹം പുറത്തെടുത്ത് പരിശോധിക്കാനാണ് മലേഷ്യൻ അധികൃതരുടെ തീരുമാനം. 14 പേരിൽ രണ്ടുപേർ മരിച്ചത് ന്യുമോണിയ മൂലമാണെന്ന് സ്ഥിരീകരിച്ചിട്ടുണ്ട്. ബാക്കിയുള്ള 12 പേരുടെ മരണത്തിന് കാരണമായ രോഗം ഏതാണെന്ന് കണ്ടെത്താൻ മൃതദേഹങ്ങൾ പോസ്റ്റ്മോർട്ടം നടത്താനാണ് തീരുമാനം.

സ്ഥലത്ത് നടക്കുന്ന ഖനന പ്രവർത്തനങ്ങളെ തുടർന്ന് കുടിവെള്ളം മലിനമായതാണ് അസുഖങ്ങൾക്ക് കാരണമെന്നാണ് പ്രദേശവാസികൾ ആരോപിക്കുന്നത്
12 പേർ മരിച്ച രോഗത്തിന് സമാനമായ ലക്ഷണങ്ങളോടെ 83 പേരാണ് ചികിത്സയിലുള്ളത്. ഇതിൽ 46 പേരും ഗുരുതരാവസ്ഥയിൽ ആശുപത്രിയിലാണ്

error: Content is protected !!