Uncategorized

റൊണാള്‍ഡോയുടെ ഹോട്ടലുകള്‍ കൊവിഡ്-19 ആശുപത്രിയാക്കുന്നില്ലെന്ന് ഹോട്ടൽ അധികൃതർ

കൊവിഡ്-19 വ്യാപകമായി പടര്‍ന്നുപിടിക്കുന്ന സാഹചര്യത്തില്‍ ഫുട്‌ബോള്‍ താരം ക്രിസ്‌റ്റ്യോനോ റൊണാള്‍ഡോ തന്റെ ഹോട്ടലുകള്‍ സൗജന്യമായി രോഗികളെ ചികിത്സിക്കാന്‍ വിട്ടുകൊടുക്കുന്നു എന്ന റിപ്പോര്‍ട്ടുകള്‍ വന്നിരുന്നു. എന്നാലിപ്പോള്‍ ഈ റിപ്പോര്‍ട്ടുകളെ തള്ളിയിരിക്കുകയാണ് റൊണാള്‍ഡോയുടെ ഉടമസ്ഥതയിലുള്ള ഹോട്ടല്‍.

ലിസ്ബണിലെ ഒരു ഹോട്ടല്‍ അധികൃതരാണ് റിപ്പോര്‍ട്ടുകളെ തള്ളിയത്. ഇത്തരമൊരു റിപ്പോര്‍ട്ടിനെ പറ്റി വിവരമൊന്നും ലഭിച്ചിട്ടില്ലെന്നും ഹോട്ടല്‍ ആശുപത്രിയാക്കാന്‍ ഉദ്ദേശിച്ചിട്ടെന്നുമാണ് ഹോട്ടല്‍ അധികൃതര്‍ അറിയിച്ചത്.

സ്പാനിഷ് പത്രമായ മാര്‍സയാണ് റൊണാള്‍ഡോ തന്റെ ഹോട്ടലുകള്‍ ആശുപത്രികളാക്കാന്‍ അനുവാദം കൊടുത്തു എന്ന് റിപ്പോര്‍ട്ട് ചെയ്തത്. ഇതിനു പിന്നാലെ വാര്‍ത്ത വ്യാപകമായി പ്രചരിക്കുകയും ചെയ്തു.

error: Content is protected !!