യുഎ ഇയിൽ ഇന്ന് പ്രതിദിനരോഗബാധയിലും പ്രതിദിനമരണനിരക്കിലും വൻ വർദ്ധനവാണ് രേഖപ്പെടുത്തിയിരിക്കുന്നത്.
യുഎ ഇയിൽ ഇന്ന് 3,432 പുതിയ കോവിഡ് കേസുകൾ കൂടി സ്ഥിരീകരിച്ചതായി ആരോഗ്യമന്ത്രാലയം അറിയിച്ചു. ഇന്ന് 3,118 പേർക്ക് രോഗമുക്തിയും രേഖപ്പെടുത്തി. ഇന്നും 7 മരണങ്ങൾ രേഖപ്പെടുത്തി.
ഇന്നത്തെ പുതിയ 3,432 കേസുകളടക്കം യുഎഇയിൽ ഇത് വരെ സ്ഥിരീകരിച്ച കോവിഡ് കേസുകളുടെ എണ്ണം 249,808 ആണ്.
ഇന്നത്തെ കണക്കനുസരിച്ച് 3,118 പേർക്ക് അസുഖം പൂർണമായി ഭേദപ്പെട്ടിട്ടുണ്ട്. ഇതോടെ യു എ ഇയിൽ കോവിഡിൽ നിന്ന് സുഖം പ്രാപിച്ചവരുടെ എണ്ണം 222,106 ആയി.
യു എഇയിൽ നിലവിൽ 26,962 സജീവ കോവിഡ് കേസുകളാണുള്ളത്. കോവിഡ് ബാധിച്ച് യു എ ഇയിൽ ഇതുവരെ 740 മരണങ്ങളാണ് രേഖപ്പെടുത്തിയിട്ടുള്ളത്. 151,096 കോവിഡ് പരിശോധനകളിലൂടെയാണ് പുതിയ കോവിഡ് കേസുകൾ കണ്ടെത്തിയത്.
