പ്രതിദിനരോഗബാധയിലെ റെക്കോർഡ് വർദ്ധനവാണ് യുഎ ഇയിൽ രേഖപ്പെടുത്തിയിരിക്കുന്നത്.
യുഎ ഇയിൽ ഇന്ന് 3,529 പുതിയ കോവിഡ് കേസുകൾ കൂടി സ്ഥിരീകരിച്ചതായി ആരോഗ്യമന്ത്രാലയം അറിയിച്ചു. ഇന്ന് 3,901 പേർക്ക് രോഗമുക്തിയും രേഖപ്പെടുത്തി. ഇന്ന് 4 മരണങ്ങളാണ് റിപ്പോർട്ട് ചെയ്തിരിക്കുന്നത്
ഇന്നത്തെ പുതിയ 3,529 കേസുകളടക്കം യുഎഇയിൽ ഇത് വരെ സ്ഥിരീകരിച്ച കോവിഡ് കേസുകളുടെ എണ്ണം 267,258 ആണ്.
ഇന്നത്തെ കണക്കനുസരിച്ച് 3,901 പേർക്ക് അസുഖം പൂർണമായി ഭേദപ്പെട്ടിട്ടുണ്ട്. ഇതോടെ യു എ ഇയിൽ കോവിഡിൽ നിന്ന് സുഖം പ്രാപിച്ചവരുടെ എണ്ണം 239,322 ആയി.
യു എഇയിൽ നിലവിൽ 27,170 സജീവ കോവിഡ് കേസുകളാണുള്ളത്. കോവിഡ് ബാധിച്ച് യു എ ഇയിൽ ഇതുവരെ 766 മരണങ്ങളാണ് രേഖപ്പെടുത്തിയിട്ടുള്ളത്. 163,285 കോവിഡ് പരിശോധനകളിലൂടെയാണ് പുതിയ കോവിഡ് കേസുകൾ കണ്ടെത്തിയത്.
