റാം സംവിധാനം ചെയ്ത് മമ്മൂട്ടി നായകാനായ തമിഴ് ചലച്ചിത്രം പേരൻബിൽ മമ്മൂട്ടിയുടെ മകളായി അഭിനയിച്ച സാധന ദുബായിലെത്തുന്നു. ഫെബ്രുവരി 16ന് ഗ്ലോബൽ വില്ലേജിൽ നടക്കുന്ന പതിമൂന്നാമത് ഏഷ്യാവിഷൻ മൂവീ അവാർഡ്സിനാണ് സാധന വെങ്കടേഷ് എത്തുന്നത്. മമ്മൂട്ടിയുടെ മകളായി പാപ്പ എന്ന പേരിലാണ് സാധന പേരൻബിൽ വേഷമിട്ടിരിക്കുന്നത്. സാധന കൂടാതെ രൺവീർ സിംഗ്, ആയുഷ്മാൻ ഖുറാന, വിജയ് സേതുപതി, തൃഷ, ടോവിനോ, മഞ്ജു വാരിയർ തുടങ്ങി പ്രമുഖ നടീ നടന്മാരും കലാകാരന്മാരും പരിപാടിയിൽ പങ്കെടുക്കും. വൈകുന്നേരം 5 മണിമുതൽ ഗ്ലോബൽ വില്ലേജ് മെയിൻ സ്റ്റേജിലാണ് പരിപാടി നടക്കുന്നത്.
