ബെംഗളുരു: എയ്‌റോ ഇന്ത്യ പ്രദര്‍ശനം നടക്കുന്ന വേദിയിലെ കാര്‍ പാര്‍ക്കിങ് ഏരിയയിലുണ്ടായ തീപിടിത്തത്തില്‍ നൂറിലധികം കാറുകള്‍ കത്തി നശിച്ചു. ഭാരതീ നഗര്‍ ഗേറ്റിനു സമീപത്താണു തീപിടിത്തമുണ്ടായത്. ആളുകളെ സ്ഥലത്തുനിന്ന് ഒഴിപ്പിച്ചു. പത്തോളം ഫയര്‍ എഞ്ചിനുകള്‍ സ്ഥലത്തെത്തി തീയണയ്ക്കാനുള്ള ശ്രമത്തിലാണ്. വ്യോമസേനയും പൊലീസും സ്ഥലത്തുണ്ട്. കാറിലെത്തിയവര്‍ എയ്‌റോ പ്രദര്‍ശനം നടക്കുന്ന സ്ഥലത്തായതിനാല്‍ കൂടുതല്‍ കാറുകള്‍ അഗ്നിക്കിരയാകാന്‍ സാധ്യതയുണ്ടെന്ന് പൊലീസ് പറഞ്ഞു. അഗ്നി നിയന്ത്രണ വിധേയമായതിനാൽ തടസ്സപ്പെട്ട പ്രദർശനം വീണ്ടും പുനരാരംഭിച്ചു. പാർക്കിംഗ് ഏരിയയിൽ ആരോ ഉപേക്ഷിച്ച സിഗരറ്റ് ആകാം അപകട കാരണമെന്നു സംശയിക്കപ്പെടുന്നു.
ബംഗളുരു ‘എയിറോ ഇന്ത്യ’ പ്രദർശനത്തിൽ തീപിടുത്തം; നൂറോളം വാഹനങ്ങൾ കത്തിനശിച്ചു
