യുഎഇ യും ദക്ഷിണ കൊറിയയും തമ്മിൽ ഇന്ന് സീയോളിൽ ഒപ്പുവച്ച കരാർ അനുസരിച്ച് , ലോകത്തിലെ ഏറ്റവും വലിയ ക്രൂഡ് ഓയിൽ സംഭരണ സംവിധാനം ഫുജൈറയിൽ നിർമിക്കാൻ ധാരണയായി. ഭൂമിക്കടിയിൽ മൂന്ന് നിലവറകൾ ഉണ്ടാക്കി , ഓരോന്നിലും പതിനാല് ദശലക്ഷം ബാരൽ ക്രൂഡ് ഓയിൽ സംഭരിച്ചുവയ്ക്കാൻ പറ്റിയ സംവിധാനമാണ് വരുന്നത് .440 കോടി ദിർഹം ചെലവഴിച്ചാണ് ഇത് നിർമിക്കുക . അബുദാബി കിരീടാവകാശി ഹിസ് ഹൈനെസ്സ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ ഇന്ന് കൊറിയൻ പ്രസിഡന്റ് മൂൺ ജെയ് ഇന്നുമായി ഇന്ന് കരാറിൽ ഒപ്പുവച്ചുകഴിഞ്ഞു . ചരിത്രപരമായ ഒരു ധാരണയാണിത് . അഡ്‌നോക് എന്ന യുഎ ഇ കമ്പനി ഇതിന് നേതൃത്വം കൊടുക്കും. നിരവധി പേർക്ക് തൊഴിൽ ലഭ്യമാകുന്ന കാര്യമാണിതെന്ന് കണക്കാക്കപ്പെടുന്നു .
അറിഞ്ഞോ, ലോകത്തിലെ ഏറ്റവും വലിയ ക്രൂഡ് ഓയിൽ കലവറ ഫുജൈറയിൽ വരുന്നു !
