fbpx
അബൂദാബി ആരോഗ്യം

കോവിഡ് 19 ; യുഎഇയിൽ 3 വയസ്സും അതിൽ കൂടുതലുമുള്ള കുട്ടികൾ നിർബന്ധമായും മാസ്ക് ധരിക്കണമെന്ന് നിർദ്ദേശം

കോവിഡ് -19 ൽ നിന്ന് സുരക്ഷിതമായി തുടരാൻ മൂന്ന് വയസ്സിന് മുകളിലുള്ള കുട്ടികൾ ഫെയ്സ് മാസ്ക് ധരിക്കണമെന്ന് യുഎഇ ആരോഗ്യമേഖലയുടെ വക്താവും അബുദാബി പബ്ലിക് ഹെൽത്ത് സെന്ററിലെ (എ ഡി പി എച്ച് സി) സാംക്രമിക രോഗ വകുപ്പ് ഡയറക്ടറുമായ ഡോ. ഫരീദ അൽ ഹൊസാനി പറഞ്ഞു.

കുട്ടികളെ തിരക്കേറിയ സ്ഥലങ്ങളിലേക്ക്, പ്രത്യേകിച്ച് കളിസ്ഥലങ്ങളിലേക്ക് കൊണ്ടുപോകുന്നത് ഒഴിവാക്കണമെന്നും അവർ താമസക്കാരോട് ആവശ്യപ്പെട്ടു. എല്ലാവരുടേയും ആരോഗ്യവും സുരക്ഷയും പരിരക്ഷിക്കുന്നതിന് ലൈസൻസുള്ള മെഡിക്കൽ ഫെയ്സ് മാസ്കുകൾ ഉപയോഗിക്കണമെന്നും നിർദേശമുണ്ട്.

ശ്വസന പ്രശ്നങ്ങളോ വിട്ടുമാറാത്ത രോഗങ്ങളോ ഉള്ള കുട്ടികൾ മാസ്ക് ധരിക്കാൻ പാടില്ലെന്ന് നേരത്തെ അധികാരികൾ പറഞ്ഞിരുന്നു. സ്വന്തമായി മാസ്കുകൾ നീക്കംചെയ്യാൻ ബുദ്ധിമുട്ടുള്ള കുട്ടികളെയും മാസ്ക് ധരിക്കുന്നതിൽ നിന്ന് ഒഴിവാക്കണമീനും ഡോക്ടർ പറഞ്ഞു. കുട്ടികൾ‌ക്ക് വൈറസ് പിടിപെടാനുള്ള സാധ്യത കുറവാണെങ്കിലും, അവർ വൈറസിന്റെ വാഹകരാകുകയും മറ്റുള്ളവരെ ബാധിക്കുകയും ചെയ്യുമെന്നും ഡോക്ടർ വ്യക്‌തമാക്കി.

error: Content is protected !!