fbpx
കേരളം ചുറ്റുവട്ടം

പാട്ടു പാടുന്ന സ്ഥാനാര്‍ഥി; വിവാദ പരാമർശനത്തിനു ദീപ നിശാന്തിനെതിരെ പരാതി

ആലത്തൂരിലെ യുഡിഎഫ് സ്ഥാനാര്‍ഥി രമ്യ ഹരിദാസുമായി ബന്ധപ്പെട്ടു എഴുത്തുകാരി ദീപ നിശാന്ത് സമൂഹമാധ്യമത്തില്‍ നടത്തിയ പരാമര്‍ശം ചൂടുപിടിച്ച ചര്‍ച്ചയായി. അനില്‍ അക്കര എംഎല്‍എ തിരഞ്ഞെടുപ്പു കമ്മിഷനു പരാതി നല്‍കിയതോടെ ഫെയ്‌സ്ബുക് വാക്‌പോരു സിപിഎമ്മിനും തലവേദനയായി.

സ്ഥാനാര്‍ഥി എത്ര മനോഹരമായി പാടുന്നു, ഡാന്‍സ് കളിക്കുന്നു, ഏത് മതവിശ്വാസിയാണ് എന്നതൊന്നുമല്ല വിഷയമാക്കേണ്ടത്. ഐഡിയ സ്റ്റാര്‍ സിംഗര്‍ തിരഞ്ഞെടുപ്പോ അമ്പലകമ്മിറ്റി തിരഞ്ഞെടുപ്പോ അല്ല നടക്കുന്നത്’ എന്നാണു പോസ്റ്റിലെ ടീച്ചറിന്‍റെ പരാമര്‍ശം.സ്ഥാനാര്‍ഥി ഏതു വിഭാഗത്തിലെ ആളാണെന്നു കാണിക്കുന്ന വിധം പോസ്റ്റിട്ടെന്നാണു അനിലിന്‍റെ ന്‍പരാതി. ‘ഞാന്‍ പാട്ടുപാടും, പ്രസംഗിക്കും. ഇതെല്ലാം എ ആയുധങ്ങളാണ്. വിമര്‍ശനം വകവയ്ക്കുന്നില്ല’- രമ്യ ഹരിദാസ് പ്രതികരിച്ചു. എന്നാല്‍, മണ്ഡലത്തിലെ ഒരു വോട്ടര്‍ എന്ന നിലയില്‍ താന്‍ സ്ഥാനാര്‍ഥിയോട് 2 ചോദ്യങ്ങള്‍ ഉന്നയിക്കുക മാത്രമാണു ചെയ്തതെന്നു ദീപ നിശാന്ത് വിശദീകരിച്ചു.

വിഷയത്തില്‍ പ്രതികരണവുമായി കോണ്‍ഗ്രസ് നേതാക്കളായ കെ.എസ്. ശബരീനാഥന്‍ എംഎല്‍എയും പി.സി. വിഷ്ണുനാഥും രംഗത്തെത്തി. ‘പാട്ടുപാടുന്നതാണോ അതോ പട്ടികജാതിക്കാരിയായ പെണ്‍കുട്ടി പാര്‍ലമെന്‍റില്‍ പോകുന്നതാണോ ഇവിടെ ചിലരുടെ പ്രശ്‌നം’ – വിഷ്ണുനാഥ് ഫെയ്‌സ്ബുക്കില്‍ കുറിച്ചു.

കെ.എസ്. ശബരീനാഥന്‍ എംഎല്‍എയുടെ ഫെയ്‌സ്ബുക് കുറിപ്പില്‍ നിന്ന്- വരികള്‍ക്കിടയില്‍ ദീപ ടീച്ചര്‍ രമ്യയെക്കുറിച്ചു ഐഡിയ സ്റ്റാര്‍ സിങ്ങര്‍ തിരഞ്ഞെടുപ്പല്ല നടക്കുന്നത്എന്ന് പറഞ്ഞത് ഒരിക്കലും അംഗീകരിക്കാന്‍ കഴിയുകയില്ല.ഒരു ഇലക്ഷന് മത്സരിക്കാനുള്ള എല്ലാ യോഗ്യതകളുമുള്ള വ്യക്തിയാണ് രമ്യ ഹരിദാസ്. ജനാധിപത്യ പ്രക്രിയയിലൂടെ വിജയിച്ച കുന്നമംഗലം ബ്ലോക്ക് പഞ്ചായത്തിന്‍റെ പ്രസിഡന്‍റാണ്.ഇതൊക്കെ നമ്മുടെ ഒരു കാഴ്ചപ്പാടിന്‍റെ പ്രശ്‌നമാണ് ടീച്ചറെ….പ്രമുഖ നടനും അമ്മ പ്രസിഡണ്ടുമായ വ്യക്തി സ്ഥാനാര്‍ത്ഥിയായാല്‍ ബലേ ഭേഷ്, പക്ഷെ ത്രിതലപഞ്ചായത്തില്‍ പൊതുപ്രവര്‍ത്തകയായ ഒരു വനിത ലോക്സഭാ സ്ഥാനാര്‍ത്ഥിയാകുമ്പോള്‍ അവരെ ഐഡിയ സ്റ്റാര്‍ സിംഗറോട് ടീച്ചര്‍ തന്നെ ഉപമിക്കുന്നു. പാടുന്നവനും പാടാത്തവനും വിശ്വാസിക്കും വിശ്വാസമില്ലാത്തവര്‍ക്കും എല്ലാവര്‍ക്കും മത്സരിക്കാനുള്ള ജനാധിപത്യ അവസരമുണ്ട്, നല്ല സ്ഥാനാര്‍ഥിയെ വിജയിപ്പിക്കേണ്ടത് ജനങ്ങളാണെന്ന് മാത്രം.അതുകൊണ്ട് രമ്യയെക്കുറിച്ചു ദീപ ടീച്ചര്‍ പരിതപിക്കേണ്ട,ആ കുട്ടി വിജയിച്ചു വന്നോളും.

error: Content is protected !!