fbpx
അന്തർദേശീയം ഇന്ത്യ

കോവിഡ് 19 ; യാത്രാവിലക്കിനെത്തുടർന്ന്‌ നാട്ടിൽ കഴിയുന്ന സൗദി പ്രവാസികളുടെ വിസാ കാലാവധി ജൂലൈ 31 വരെ സൗജന്യമായി നീട്ടി നല്‍കും

covid 19; Following the travel ban, the visa validity of Saudi expatriates will be extended till July 31 free of cost_dubaivartha

സൗദിയിലേക്ക് മടങ്ങാനാകാതെ നാട്ടില്‍ കുടുങ്ങിയ പ്രവാസികളുടെ ഇഖാമയും റീ എന്‍ട്രിയും ജൂലൈ 31 വരെ സൗജന്യമായി ദീര്‍ഘിപ്പിച്ച് നല്‍കും. സൗദി ഭരണാധികാരി സല്‍മാന്‍ രാജാവിന്റെ നിര്‍ദേശ പ്രകാരമാണ് ഈ ഉത്തരവ്.

നേരത്തെ സൗദി ഭരണാധികാരി സല്‍മാന്‍ രാജാവിന്റെ നിര്‍ദേശ പ്രകാരം കോവിഡ് മൂലം സൗദിയിലേക്കുള്ള പ്രവേശന വിലക്കുള്ള രാജ്യങ്ങളിലെ വിദേശ തൊഴിലാളികളുടെ ഇഖാമ, റീ എന്‍ട്രി എന്നിവ 2021 ജൂൺ 2 വരെ സൗജന്യമായി നീട്ടിനൽകുമെന്ന് സൗദി തീരുമാനിച്ചിരുന്നു. അതാണ് ഇപ്പോൾ ജൂലൈ 31 വരെ നീട്ടിയിരിക്കുന്നത്.

സ്വദേശങ്ങളിലേക്ക് പോകാനാവാതെ സൗദിയില്‍ കുടുങ്ങിയവരുടെ സന്ദര്‍ശക വിസയും പുതുക്കി നല്‍കുമെന്ന് അന്നത്തെ ഉത്തരവില്‍ പറഞ്ഞിരുന്നു.

കോവിഡ് മൂലം ഇന്ത്യയടക്കമുള്ള രാജ്യങ്ങളിൽനിന്നുള്ളവർക്ക് സൗദിയിലേക്ക് നേരിട്ട് പ്രവേശന വിലക്കുണ്ട്. എൻ.ഐ.സിയുമായി ബന്ധപ്പെട്ട് ജവാസാത്ത് ഇതിനാവശ്യമായ നടപടിക്രമങ്ങൾ പൂർത്തിയാക്കും.

error: Content is protected !!