Info ഇന്ത്യ

കനത്ത മഴ : മഹാരാഷ്ട്രയിൽ മതിൽ തകർന്ന് വീണ് 11 പേർ മരിച്ചു

Heavy rains: 11 killed as wall collapses in Maharashtra

കനത്ത മഴയെ തുടർന്ന് മഹാരാഷ്ട്രയിൽ മതിൽ തകർന്ന് വീണ് 11 പേർ മരിച്ചു. മണ്ണിടിച്ചിലിനെത്തുടർന്ന് ചെമ്പൂരിലെ ഭാരത് നഗർ പ്രദേശത്താണ് അപകടമുണ്ടായത്. 11പേർ മരിച്ചതായി ദേശീയ ദുരന്ത നിവാരണ സേനയെ (എൻ‌ഡി‌ആർ‌എഫ്) ഉദ്ധരിച്ച് വാർത്താ ഏജൻസിയായ എഎൻഐ റിപ്പോർട്ട് ചെയ്തു.

ഭാരത് നഗർ പ്രദേശത്ത് നിന്ന് 15 പേരെയും സൂര്യനഗറിൽ നിന്ന് 9 പേരെയും രക്ഷപ്പെടുത്തിയെന്ന് അധികൃതർ അറിയിച്ചു. പരിക്കേറ്റവരെ നഗരത്തിലെ വിവിധ ആശുപത്രികളിൽ പ്രവേശിപ്പിച്ചു. കൂടുതൽ പേർ അപകടത്തിൽ അകപ്പെട്ടിട്ടുണ്ടോ എന്ന പരിശോധന തുടരുകയാണ്.

മഹാരാഷ്ട്രയിലെ വിവിധ ഭാഗങ്ങൾ ശക്തമായ മഴ തുടരുകയാണ്. മുംബൈ നഗരത്തിൽ രാത്രി എട്ടിനും പുലർച്ചെ രണ്ട് നും ഇടയിൽ 156.94 മില്ലിമീറ്റർ മഴ രേഖപ്പെടുത്തി. കിഴക്കൻ പ്രാന്തപ്രദേശങ്ങളിൽ യഥാക്രമം 143.14 മില്ലിമീറ്ററും പടിഞ്ഞാറൻ 125.37 മില്ലിമീറ്ററും രേഖപ്പെടുത്തി.

error: Content is protected !!