യുഎഇയിൽ അസ്ഥിരമായ കാലാവസ്ഥ തുടരുന്നതിനാൽ യുഎഇയുടെ ചില പ്രദേശങ്ങളിൽ ഇന്ന് ബുധനാഴ്ചയും മഴ പെയ്തേക്കാം.
രാജ്യത്തിന്റെ കിഴക്ക് ഭാഗങ്ങളിൽ ഉച്ചയ്ക്ക് ശേഷം മഴ ലഭിക്കുമെന്നും പടിഞ്ഞാറ് ഭാഗത്ത് രാത്രി നേരിയ മഴ പെയ്യുമെന്നും കാലാവസ്ഥാകേന്ദ്രം (നാഷണൽ സെന്റർ ഓഫ് മെറ്റീരിയോളജി ) പ്രവചിച്ചിട്ടുണ്ട്. ദുബായ്, ഫുജൈറ, അൽഐൻ എന്നിവിടങ്ങളിൽ ഇന്നലെ ചൊവ്വാഴ്ച മഴ പെയ്തപ്പോൾ അബുദാബിയിൽ പൊടിക്കാറ്റ് അനുഭവപ്പെട്ടിരുന്നു.
ഷാർജയുടെ ചില ഭാഗങ്ങളിൽ ഞായറാഴ്ച കനത്ത മഴയും ആലിപ്പഴ വർഷവും ഉണ്ടായി, ഷാർജയിലും ഫുജൈറയിലും തിങ്കളാഴ്ച കൂടുതൽ മഴ പെയ്തു. ചിലപ്പോൾ താപനില ഉയർന്നുവരുകയും തെക്ക് താപനില 41 ഡിഗ്രി സെൽഷ്യസിൽ എത്തുകയും ചെയ്യും. തീരത്ത് അൽപ്പം തണുപ്പായിരിക്കും, അബുദാബിയിൽ 39 ഡിഗ്രി സെൽഷ്യസും ദുബായിൽ 38 ഡിഗ്രി സെൽഷ്യസിലും എത്തും.
