ദുബായിൽ റോബോട്ടുകൾ വഴി 20 മിനിറ്റിനുള്ളിൽ ഗ്രോസറി ഡെലിവറി ചെയ്യുന്ന യാംഗോ ടെക്നോളജിയുടെ പൈലറ്റ് പദ്ധതി വിപുലീകരിക്കുന്നു
ഈ പദ്ധതിയുടെ വൻ വിജയത്തിന് ശേഷമാണ് ദുബായിലെ റോബോട്ട് ഡെലിവറി സിസ്റ്റം ഉടൻ തന്നെ മറ്റ് മേഖലകളിലേക്ക് കൂടി പ്രവർത്തനം വ്യാപിപ്പിക്കാനൊരുങ്ങുന്നത്.
ഓർഡർ ചെയ്യുന്നവരിൽ 40 ശതമാനത്തിലധികം പേരും, അതൊരു ഓപ്ഷനാണെന്ന് കണ്ടപ്പോൾ, ഡെലിവറിക്ക് റോബോട്ടിനെ തിരഞ്ഞെടുത്തു,” മിഡിൽ ഈസ്റ്റിലെ യാംഗോ ടെക് ഓട്ടോണമിയുടെ റീജിയണൽ ഹെഡ് നികിത ഗാവ്‌റിലോവ് പറഞ്ഞു. പൂർണ്ണമായും വൈദ്യുതിയുമായി പ്രവർത്തിക്കുന്ന ഈ നൂതനമായ വസ്തു ഭക്ഷണവും പലചരക്ക് സാധനങ്ങളും 20 മിനിറ്റിനുള്ളിൽ അവരുടെ കെട്ടിടത്തിന്റെ വാതിൽക്കൽ എത്തിക്കുന്നുണ്ട്.
ഫുഡ് ടെക്, റീട്ടെയിൽ കമ്പനിയായ റൂട്ട്‌സുമായും ദുബായിലെ റോഡ്‌സ് ആൻഡ് ട്രാൻസ്‌പോർട്ട് അതോറിറ്റിയുമായും പങ്കാളിത്തത്തോടെയാണ് കമ്പനി പൈലറ്റ് പദ്ധതി ആരംഭിച്ചത്. 30 മിനിറ്റിനുള്ളിൽ 2 കിലോമീറ്റർ ചുറ്റളവിൽ ഓർഡറുകൾ എത്തിക്കുക എന്നതായിരുന്നു ലക്ഷ്യം.
60 ലിറ്റർ ശേഷിയുള്ള പോഡിന് 10 സെന്റീമീറ്റർ വരെ ഉയരമുള്ള റോഡുകൾ വരെ കയറാനും ഡെലിവറി ചെയ്യുമ്പോൾ റോഡുകൾ മുറിച്ചുകടക്കാനും “കാൽനടയാത്രക്കാർക്ക് വഴിമാറാനും” കഴിയും. വിപുലീകരണ പദ്ധതികളെക്കുറിച്ച് കൂടുതൽ നികിത വെളിപ്പെടുത്തിയില്ലെങ്കിലും, പ്രത്യേകിച്ച് വില്ല സമൂഹങ്ങളിൽ ഡെലിവറി സംവിധാനം നടപ്പിലാക്കുന്നതിന് വലിയ സാധ്യതകളുണ്ടെന്ന് നികിത പറഞ്ഞു.