ആപ്പിൾ ഓപ്പറേറ്റിംഗ് സിസ്റ്റം ഉടൻ അപ്‌ഡേറ്റ് ചെയ്യണമെന്ന് യുഎഇയുടെ സൈബർ സുരക്ഷാ കൗൺസിൽ താമസക്കാർക്ക് ഇന്ന് ബുധനാഴ്ച സുരക്ഷാ മുന്നറിയിപ്പ് മുന്നറിയിപ്പ് നൽകി.
ആപ്പിൾ അതിൻ്റെ ചില ഉൽപ്പന്നങ്ങളിൽ “നിരവധി നിർണായക സുരക്ഷാ തകരാറുകൾ” കണ്ടെത്തി, അതിനാൽ അവ പരിഹരിക്കുന്നതിനായി ഒരു OS അപ്‌ഡേറ്റ് പുറത്തിറക്കിയിട്ടുണ്ടെന്നും താമസക്കാരോട് ഓപ്പറേറ്റിംഗ് സിസ്റ്റം ഏറ്റവും പുതിയ പതിപ്പുകളിലേക്ക് ഉടൻ അപ്‌ഗ്രേഡ് ചെയ്യാനുമാണ് സൈബർ സുരക്ഷാ കൗൺസിൽ അഭ്യർത്ഥിച്ചിരിക്കുന്നത്
ഈ നിർദ്ദേശം അവഗണിക്കുകയാണെങ്കിൽ ഹാക്കർമാർക്ക് ആപ്പിൾ ഉപകരണങ്ങൾ ആക്‌സസ് ചെയ്യാനോ ഡാറ്റ മോഷ്‌ടിക്കാനോ ഒരാളുടെ സിസ്റ്റത്തിലേക്ക് കടക്കാനോ ഉള്ള സാധ്യത കൂടുതലാണെന്നും കൗൺസിൽ കൂട്ടിച്ചേർത്തു.
പ്രത്യേകിച്ച് Apple TV HD, Apple TV 4K എന്നിവയുടെ എല്ലാ മോഡലുകൾക്കുമുള്ള സുരക്ഷാ അപ്‌ഡേറ്റ്. ഉപയോക്താക്കൾ അവരുടെ ടിവി ബോക്സുകൾ tvOS17.5-ൽ പ്രവർത്തിക്കുന്നുണ്ടെന്ന് ഉറപ്പാക്കേണ്ടതുണ്ടെന്നും കൗൺസിൽ പറഞ്ഞു.
പൊതുജനങ്ങളെ അറിയിക്കുന്നതിനായി സൈബർ സുരക്ഷാ അപകടസാധ്യതകളും ഓപ്പറേറ്റിംഗ് സിസ്റ്റം അപ്‌ഡേറ്റുകളും യുഎഇ അതോറിറ്റി സൂക്ഷ്മമായി നിരീക്ഷിച്ചുവരുന്നുണ്ട്.
