കുവൈത്ത് തീപ്പിടിത്ത ദുരന്തത്തിൽ മരിച്ചവരുടെ മൃതദേഹങ്ങൾ വെള്ളിയാഴ്ച രാവിലെ 10.30-ഓടെ കൊച്ചിയിലെത്തും. ഇന്ത്യൻ സമയം 6.20- ഓടെ കുവൈത്തിൽനിന്ന് പുറപ്പെട്ട വിമാനം 8.30-ഓടെ എത്തുമെന്നായിരുന്നു നേരത്തെ അറിയിച്ചിരുന്നത്. എന്നാൽ, പത്തുമണിക്കുശേഷമേ നെടുമ്പാശ്ശേരിയിൽ എത്തുകയുള്ളൂവെന്ന് മന്ത്രി കെ. രാജൻ അറിയിച്ചു. 23 മലയാളികളുടെയും 7 തമിഴ്‌നാട് സ്വദേശികളുടെയും ഒരു കർണ്ണാടക സ്വദേശിയുടെയും അടക്കം 31 മൃതദേഹങ്ങളാണ് കൊച്ചിയിലെത്തുക.
മൃതദേഹങ്ങൾ ഏറ്റുവാങ്ങാന്‍ കുടുംബാംഗങ്ങള്‍ വിമാനത്താവളത്തില്‍ എത്തി തുടങ്ങിയിട്ടുണ്ട്. പൊതുദർശനത്തിന് ശേഷമായിരിക്കും മൃതദേഹങ്ങൾ ബന്ധുക്കൾക്ക് വിട്ടുകൊടുക്കുക. കൊണ്ടുപാകാനുള്ള ആംബുലൻസുകളും സജ്ജമാണ്
