2024 സെപ്റ്റംബർ 1 വരെ രാജ്യവ്യാപകമായി ആഭ്യന്തര മന്ത്രാലയം സംഘടിപ്പിക്കുന്ന ‘അപകടങ്ങളില്ലാത്ത വേനൽക്കാലം’ കാമ്പെയ്‌നിനെ പിന്തുണയ്ക്കുന്നതിനായി ട്രാഫിക് സുരക്ഷാ നടപടികൾ ശക്തമാക്കുന്നതായി ദുബായ് പോലീസ് ഇന്ന് തിങ്കളാഴ്ച അറിയിച്ചു.
രാജ്യത്തുടനീളമുള്ള ട്രാഫിക് അപകടങ്ങളുടെയും അതുമായി ബന്ധപ്പെട്ട പരിക്കുകളുടെയും മരണങ്ങളുടെയും എണ്ണം കുറയ്ക്കാനാണ് ഈ കാമ്പെയ്‌ൻ ലക്ഷ്യമിടുന്നത്.
കഴിഞ്ഞ മൂന്ന് വർഷമായി ദുബായിൽ വേനൽ മാസങ്ങളിൽ (ജൂൺ 1 മുതൽ ഓഗസ്റ്റ് 31 വരെ) ട്രാഫിക് സംബന്ധമായ മരണങ്ങളുടെ എണ്ണം കുറഞ്ഞിട്ടുണ്ടെന്നും പോലീസ് പറഞ്ഞു. 2023 ലെ അപകടങ്ങളിൽ 30 മരണം, 45 ഗുരുതരമായ പരിക്കുകൾ, 308 മിതമായ പരിക്കുകൾ, 283 നിസ്സാര പരിക്കുകൾ എന്നിങ്ങനെയാണ് രേഖപ്പെടുത്തിയിരിക്കുന്നത്.
