ജയ്വാൻ ഡെബിറ്റ് കാർഡ് സ്വീകരിക്കുന്നതിനും പണം പിൻവലിക്കാൻ എടിഎം നെറ്റ്വർക്ക് തയ്യാറാക്കുന്നതിനും ആവശ്യമായ അടിസ്ഥാന സൗകര്യങ്ങൾ ഒരുക്കാൻ തുടങ്ങിയതായി യുഎഇ ബാങ്കുകൾ അറിയിച്ചു.
നിലവിൽ, ATM നെറ്റ്വർക്കിലുടനീളം ജയവാൻ കാർഡ് സ്വീകാര്യത വിജയകരമായി സമന്വയിപ്പിക്കുന്ന യുഎഇയിലെ ആദ്യത്തെ ബാങ്കുകളിൽ ഒന്ന് അജ്മാൻ ബാങ്ക് ആണെന്ന് ബാങ്ക് പുറത്തിറക്കിയ പത്രക്കുറിപ്പിൽ പറയുന്നു.
യുഎഇ സെൻട്രൽ ബാങ്കിൻ്റെ അനുബന്ധ സ്ഥാപനമായ അൽ എത്തിഹാദ് പേയ്മെൻ്റ്സ് പ്രവർത്തിപ്പിക്കുന്ന, ഉടൻ ലോഞ്ച് ചെയ്യാൻ പോകുന്ന ജയവാൻ കാർഡ് എടിഎമ്മുകൾ, പോയിൻ്റ് ഓഫ് സെയിൽ, ഇ-കൊമേഴ്സ് എന്നിവയുൾപ്പെടെ എല്ലാ പേയ്മെൻ്റ് ചാനലുകളിലുടനീളം ക്രമേണ സമന്വയിപ്പിക്കും.
യുഎഇയിലെ വിപണിയിൽ നിലവിലുള്ള 10 ദശലക്ഷത്തിലധികം ഡെബിറ്റ് കാർഡുകൾ അടുത്ത രണ്ടര വർഷത്തിനുള്ളിൽ മാറ്റി കൊടുക്കാനാണ് അധികൃതരുടെ പദ്ധതി.
2024 ലെ രണ്ടാം പാദത്തിൽ ഡെബിറ്റ് കാർഡുകൾ ഇഷ്യൂ ചെയ്തു തുടങ്ങാനാണ് ഞങ്ങളുടെ പദ്ധതി. അടുത്ത കുറച്ച് വർഷങ്ങളിൽ, യുഎഇയിലെ തങ്ങളുടെ ഉപഭോക്താക്കൾക്ക് ജയ്വാൻ ഡെബിറ്റ് കാർഡായി നൽകാൻ എല്ലാ ബാങ്കുകളെയും യുഎഇ സെൻട്രൽ ബാങ്ക് നിർബന്ധിക്കുമെന്ന് , ”അൽ ഇത്തിഹാദ് പേയ്മെൻ്റ്സിൻ്റെ ചീഫ് ഓപ്പറേറ്റിംഗ് ഓഫീസർ ആൻഡ്രൂ മക്കോർമക്ക് അറിയിച്ചിരുന്നു.