കൽബയിൽ ആശയവിനിമയ സാങ്കേതികവിദ്യകൾക്കായി ഒരു ഫ്രീ സോൺ (ഷാർജ കമ്മ്യൂണിക്കേഷൻ ടെക്നോളജീസ് ഫ്രീ സോൺ ) ആരംഭിക്കുമെന്ന് സുപ്രീം കൗൺസിൽ അംഗവും ഷാർജ ഭരണാധികാരിയുമായ ഡോ. ഷെയ്ഖ് സുൽത്താൻ ബിൻ മുഹമ്മദ് അൽ ഖാസിമി അറിയിച്ചു.
ആശയവിനിമയ സാങ്കേതികവിദ്യകളിൽ ഷാർജയുടെ സ്ഥാനം മെച്ചപ്പെടുത്തുകയും സാമ്പത്തിക വികസനത്തിന് സംഭാവന നൽകുകയും, ആശയവിനിമയ സാങ്കേതികവിദ്യകളിൽ നിക്ഷേപങ്ങൾ, പങ്കാളിത്തം, വിദഗ്ധരായ പ്രൊഫഷണലുകൾ എന്നിവയ്ക്കായി ആകർഷകമായ ഒരു കേന്ദ്രം സ്ഥാപിക്കാനും ഈ ഫ്രീ സോൺ ലക്ഷ്യമിടുന്നു.
സഹായ സാങ്കേതിക സ്ഥാപനങ്ങൾ, വിവര കേന്ദ്രങ്ങൾ, ആർട്ടിഫിഷ്യൽ ഇൻ്റലിജൻസ് സ്ഥാപനങ്ങളും ഇവിടെയുണ്ടാകും. ശാസ്ത്രത്തിൽ ദേശീയ കഴിവുകൾ വികസിപ്പിക്കുകയും ആശയവിനിമയ സാങ്കേതികവിദ്യകളിൽ പ്രവർത്തിക്കുന്ന അന്താരാഷ്ട്ര പ്രൊഫഷണലുകളെ ആകർഷിക്കുകയും ചെയ്യും. ഷാർജയുടെ ആഗോള നിലവാരം ഉയർത്തുന്നതിന് ആശയവിനിമയ സാങ്കേതിക മേഖലയെ പിന്തുണയ്ക്കുകയും പ്രോത്സാഹിപ്പിക്കുകയും ചെയ്യും.
സാങ്കേതിക പരിവർത്തനം, ആർട്ടിഫിഷ്യൽ ഇൻ്റലിജൻസ്, ഭാവി സാങ്കേതികവിദ്യകൾ എന്നിവയിൽ നിക്ഷേപിക്കുന്നതിന് അനുകൂലമായ അന്തരീക്ഷം സൃഷ്ടിക്കുകയും ചെയ്യും.