വേനൽക്കാലത്ത് പ്രാദേശിക കമ്മ്യൂണിറ്റിയിൽ നിന്നുള്ള സന്നദ്ധപ്രവർത്തകരുടെ പങ്കാളിത്തത്തോടെ ഔട്ട്ഡോർ ഏരിയകളിൽ ജോലി ചെയ്യുന്ന തൊഴിലാളികൾക്കും ഡെലിവറി ഡ്രൈവർമാർക്കും വെള്ളം, ശീതളപാനീയങ്ങൾ, ഐസ്ക്രീം എന്നിവ ”അൽ ഫ്രീജ് ഫ്രിഡ്ജ്’ മാനുഷിക കമ്മ്യൂണിറ്റി കാമ്പയിൻ വഴി ദുബായുടെ വിവിധ പ്രദേശങ്ങളിൽ ഇപ്പോൾ വിതരണം ചെയ്യുന്നുണ്ട്
തൊഴിലാളികളിൽ വേനൽച്ചൂടിൻ്റെ ആഘാതം ലഘൂകരിക്കുന്നതിനും ദുബായ് സമൂഹത്തിൽ അനുകമ്പയുടെയും ദാനത്തിൻ്റെയും മൂല്യങ്ങൾ പ്രോത്സാഹിപ്പിക്കുന്നതിനും തണുത്ത വെള്ളം, ജ്യൂസുകൾ, ഐസ്ക്രീം എന്നിവ വിതരണം ചെയ്യുക എന്നതാണ് അൽ ഫ്രീജ് ഫ്രിഡ്ജിൻ്റെ ഈ കാമ്പയിൻ ലക്ഷ്യമിടുന്നത്.
ഓഗസ്റ്റ് 23 വരെ തുടരുന്ന ഈ കാമ്പയിൻ വേനൽക്കാലത്ത് തെരുവുകളിലും റോഡുകളിലും ഒരു ദശലക്ഷം ശുചീകരണ തൊഴിലാളികൾ, നിർമ്മാണ തൊഴിലാളികൾ, ഡെലിവറി റൈഡർമാർ, കർഷക തൊഴിലാളികൾ എന്നിവർക്ക് ഇതിന്റെ പ്രയോജനം ലഭിക്കും. ചൂടുള്ള സമയങ്ങളിൽ ഫുർജാൻ ദുബായുടെ ശീതീകരിച്ച വാഹനങ്ങൾ ദുബായുടെ വിവിധ പ്രദേശങ്ങളിൽ കാണാനാകും.
യുഎഇ വാട്ടർ എയ്ഡ് ഫൗണ്ടേഷൻ്റെയും യുഎഇ ഫുഡ് ബാങ്കിൻ്റെയും സഹകരണത്തോടെ ഫുർജാൻ ദുബായിലെ മുഹമ്മദ് ബിൻ റാഷിദ് അൽ മക്തൂം ഗ്ലോബൽ ഇനിഷ്യേറ്റീവ് ഫൗണ്ടേഷൻ്റെ പിന്തുണയോടെയാണ് ഈ സംരംഭം ആരംഭിച്ചത്.
അൽ ഫ്രീജ് ഫ്രിഡ്ജ്’ എന്ന മാനുഷിക കമ്മ്യൂണിറ്റി കാമ്പയിൻ, നിർജ്ജലീകരണം, ചൂട് സമ്മർദ്ദം തുടങ്ങിയ ഉയർന്ന താപനിലയുമായി ബന്ധപ്പെട്ട ആരോഗ്യ അപകടങ്ങൾ ലഘൂകരിക്കുന്നതിൽ കമ്മ്യൂണിറ്റി പങ്കാളിത്തം വർദ്ധിപ്പിക്കുകയും അതുവഴി തൊഴിലാളികളുടെ ആരോഗ്യം നിലനിർത്തുകയും ചെയ്യുന്നു
