ഹത്ത-ലഹ്ബാബ് റോഡിൽ സ്‌കൂൾ കുട്ടികളെ കയറ്റികൊണ്ടുപോയ വാഹനം മറിഞ്ഞുണ്ടായ അപകടത്തിൽ മരിച്ചത് 7 വയസ്സ് കാരനാണെന്ന് കുട്ടിയുടെ അമ്മാവൻ വെളിപ്പെടുത്തി.
വാഹനത്തിലുണ്ടായ 12 കുട്ടികളിൽ ദുബായിലെ ഒരു സ്‌കൂളിലെ രണ്ടാം ക്ലാസ് വിദ്യാർത്ഥിനിയായിരുന്നു ഈ 7 വയസ്സ് കാരൻ. കുട്ടിയുടെ ഇളയ സഹോദരനും കാറിലുണ്ടായിരുന്നതായും സഹോദരനെ ഇന്ന് ഡിസ്ചാർജ് ചെയ്തതായും അദ്ദേഹം പറഞ്ഞു.
വാഹനം കുട്ടികളെ സ്‌കൂളിലേക്ക് കൊണ്ട് പോകാനായി വാടകയ്‌ക്കെടുത്തതായിരുന്നെന്നും എങ്ങനെ ഈ അപകടം സംഭവിച്ചുവെന്ന് കുടുംബത്തിന് ഇപ്പോഴും വ്യക്തതയില്ലെന്ന് അമ്മാവൻ പറഞ്ഞു. കുട്ടികളെ സ്‌കൂളിൽ നിന്ന് വീട്ടിലേക്ക് കൊണ്ടുവരും വഴിയാണ് അപകടം ഉണ്ടായത്.
