ദുബായിൽ രജിസ്റ്റർ ചെയ്ത കാറുകളുടെ എണ്ണത്തിൽ 10% വർദ്ധനവുണ്ടായതിനാൽ ദുബായ് റോഡുകളിൽ പകൽ സമയത്ത് മാത്രം 3.5 ദമില്യൺ വാഹനങ്ങൾ ഓടുന്നുണ്ടെന്ന് റോഡ്‌സ് & ട്രാൻസ്‌പോർട്ട് അതോറിറ്റി പുറത്ത് വിട്ട പുതിയ ഔദ്യോഗിക കണക്കുകൾ വ്യക്‌തമാക്കുന്നു.
പകൽ സമയങ്ങളിൽ ദുബായിലെ വാഹനങ്ങളുടെ എണ്ണം 3.5 മില്യണിൽ എത്തി. ആഗോള ശരാശരിയായ 2-4 ശതമാനവുമായി താരതമ്യപ്പെടുത്തുമ്പോൾ കഴിഞ്ഞ രണ്ട് വർഷത്തിനിടെ രജിസ്റ്റർ ചെയ്ത വാഹനങ്ങളിൽ 10 ശതമാനം വർധനയാണ് ദുബായ് എമിറേറ്റ് രേഖപ്പെടുത്തിയത്. ഗണ്യമായ ട്രാഫിക് വർദ്ധന ഉണ്ടായിരുന്നിട്ടും, ആഗോള യാത്രാ സമയ സൂചികയിൽ ദുബായ് ഉയർന്ന സ്ഥാനത്താണെന്ന് ദുബായ് റോഡ്‌സ് & ട്രാൻസ്‌പോർട്ട് അതോറിറ്റി പറഞ്ഞു.
ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം നഗര ചലനാത്മകതയും അടിസ്ഥാന സൗകര്യങ്ങളും മെച്ചപ്പെടുത്തുന്നതിനുള്ള ആർടിഎയുടെ സംരംഭങ്ങൾ അവലോകനം ചെയ്ത സാഹചര്യത്തിലാണ് ഈ കണക്കുകൾ പുറത്ത് വിട്ടത്.
