10 ദിവസം മുമ്പ് നാട്ടിൽ നിന്നും അവധി കഴിഞ്ഞെത്തിയ മലയാളി യുവാവ് ദുബായിൽ അന്തരിച്ചു.
മലപ്പുറം പെരിന്തൽമണ്ണ താഴെക്കോട് മരുതലയിലെ പരേതനായ വലിയപറമ്പിൽ ഹംസയുടെ മകൻ മുഹമ്മദ് അലി എന്ന അലിമുത്ത് (38) ആണ് ദുബായിലെ ജബൽ അലിയിൽ ഹൃദയാഘാതത്തെതുടർന്ന് മരിച്ചത്.
ദുബായിൽ ഡ്രൈവറായി ജോലി ചെയ്തുവരികയായിരുന്ന മുഹമ്മദ് അലി 10 ദിവസം മുൻപാണ് നാട്ടിൽ നിന്ന് അവധി കഴിഞ്ഞ് ദുബായിൽ എത്തിയത്.
മാതാവ്: ഫാത്തിമ, ഭാര്യ: ജസ്‌ന. മക്കൾ: നിദ ഫാത്തിമ, നിഹ ഫാത്തിമ. നിയമനടപടികൾ പൂർത്തിയാക്കിയ ശേഷം മൃതദേഹം നാട്ടിലെത്തിച്ച് സംസ്കരിക്കുമെന്ന് ബന്ധുക്കൾ അറിയിച്ചു.
