യുഎഇയിൽ ഇന്ന് സുഖകരമായ കാലാവസ്ഥയായിരിക്കുമെങ്കിലും ചില പ്രദേശങ്ങളിൽ മഴ ലഭിച്ചേക്കാമെന്ന് നാഷണൽ സെൻ്റർ ഓഫ് മെറ്ററോളജി (NCM) മുന്നറിയിപ്പ് നൽകി.
ഇന്ന് തെളിഞ്ഞ കാലാവസ്ഥ മുതൽ ഭാഗികമായി മേഘാവൃതമായ കാലാവസ്ഥയാണ് പ്രതീക്ഷിക്കുന്നത്, രാജ്യത്തിന് കിഴക്ക് ഭാഗത്ത് നേരിയ മഴയ്ക്ക് സാധ്യതയുണ്ട്.” NCM പറഞ്ഞു.
ഇന്ന് രാജ്യത്തിൻ്റെ ആന്തരിക പ്രദേശങ്ങളിൽ പ്രതീക്ഷിക്കുന്ന ഉയർന്ന താപനില 33 ഡിഗ്രി സെൽഷ്യസ് ആയിരിക്കും, അതേസമയം ഏറ്റവും കുറഞ്ഞ താപനില പർവതപ്രദേശങ്ങളിൽ 12 ഡിഗ്രി സെൽഷ്യസ് ആയിരിക്കും.
ആപേക്ഷിക ഈർപ്പം (RH) ഇന്ന് വൈകുന്നേരം വർദ്ധിക്കുമെന്ന് പ്രതീക്ഷിക്കുന്നു, നാളെ വ്യാഴാഴ്ച രാവിലെയോടെ ചില തീരപ്രദേശങ്ങളിലും ആന്തരിക പ്രദേശങ്ങളിലും മൂടൽമഞ്ഞ് രൂപപ്പെടാനും സാധ്യതയുണ്ട്. രാജ്യത്തുടനീളം മണിക്കൂറിൽ 30 കിലോമീറ്റർ വരെ വേഗതയിൽ നേരിയതോ മിതമായതോ ആയ കാറ്റും പ്രതീക്ഷിക്കുന്നുണ്ട്.
