യു എ ഇയിൽ 2022 പകുതി മുതൽ 2024 നവംബർ 19 വരെ 1,934 സ്വകാര്യ കമ്പനികൾ എമിറേറ്റൈസേഷൻ നയങ്ങൾ ലംഘിച്ചതായി ബുധനാഴ്ച കണ്ടെത്തിയതായി യുഎഇ അതോറിറ്റി അറിയിച്ചു.
ഈ കമ്പനികൾ നയങ്ങൾ ലംഘിച്ച് 3,035 യുഎഇ പൗരന്മാരെ നിയമിക്കുകയും ലക്ഷ്യത്തിലെത്തുന്നതിനായി വ്യാജ എമിറേറ്റൈസേഷനിൽ ഏർപ്പെടുകയും ചെയ്തതായി മാനവ വിഭവശേഷി, എമിറേറ്റൈസേഷൻ മന്ത്രാലയം അറിയിച്ചു. അതേസമയം, ഇതേ കാലയളവിൽ 22,000 സ്വകാര്യ സ്ഥാപനങ്ങൾ എമിറേറ്റൈസേഷൻ നയങ്ങൾ പാലിച്ച് എമിറേറ്റികളെ നിയമിച്ചിട്ടുണ്ട്.
എമിറേറ്റൈസേഷൻ നയങ്ങളിൽ നിന്ന് ഒഴിഞ്ഞുമാറാനുള്ള ഏതൊരു ശ്രമവും കർശനമായും നിയമത്തിന് അനുസൃതമായും നേരിടുമെന്ന് അതോറിറ്റി അറിയിച്ചു.നിയമം ലംഘിക്കുന്ന സ്ഥാപനങ്ങൾക്ക് 20,000 ദിർഹം മുതൽ 500,000 ദിർഹം വരെ പിഴ ചുമത്തും. കേസിൻ്റെ തീവ്രതയനുസരിച്ച്, നിയമലംഘനം നടത്തുന്ന കമ്പനിയെ പബ്ലിക് പ്രോസിക്യൂഷന് റഫർ ചെയ്യും.
