ദുബായിൽ നവംബർ 29 ന് ആരംഭിക്കുന്ന ഈ വർഷത്തെ 3 ദിവസത്തെ സൂപ്പർ സെയിൽ (3DSS) ഒരു അധിക ദിവസത്തേക്ക് കൂടി നീട്ടുന്നതായി അധികൃതർ ഇന്ന് ബുധനാഴ്ച പ്രഖ്യാപിച്ചു. അതായത് സൂപ്പർ സെയിൽ നവംബർ 29 മുതൽ ഡിസംബർ 2 വരെ നാല് ദിവസമുണ്ടായിരിക്കും.
ദുബായിലുടനീളമുള്ള മാളുകളിൽ ഉൾപ്പെടെ 3,000-ലധികം സ്റ്റോറുകളിലും 500 ബ്രാൻഡുകളിലും മെഗാ ഡീലുകളും 90 ശതമാനം വരെ കിഴിവുകളും ലഭ്യമാകും.
ദുബായ് ഫെസ്റ്റിവൽസ് ആൻഡ് റീട്ടെയിൽ എസ്റ്റാബ്ലിഷ്‌മെൻ്റ് (DFRE) സംഘടിപ്പിക്കുന്ന ഈ സൂപ്പർ സെയിൽ, ഫാഷൻ, ചെരുപ്പുകൾ, ആക്സസറികൾ തുടങ്ങി ബ്യൂട്ടി,വെൽനസ്സ്, ഹോം, കിച്ചൺ വരെയുള്ള വൈവിധ്യമാർന്ന ഇനങ്ങൾ ഉൾക്കൊള്ളിച്ചുള്ളതാണ്.
