യുഎഇയിലെ പ്രാദേശിക വിപണികൾ ഇ.കോളി ബാക്ടീരിയയാൽ മലിനമായ ഓർഗാനിക് കാരറ്റിൽ നിന്ന് മുക്തമാണെന്ന് കാലാവസ്ഥാ വ്യതിയാന പരിസ്ഥിതി മന്ത്രാലയം ഇന്നലെ വെള്ളിയാഴ്ച അറിയിച്ചു.
വിപണിയിലെ ഭക്ഷണത്തിൻ്റെ സുരക്ഷയും ഗുണനിലവാരവും ഉറപ്പാക്കാനും എല്ലാ ആരോഗ്യ സാങ്കേതിക മാനദണ്ഡങ്ങളും പാലിക്കാനും ബന്ധപ്പെട്ട അധികാരികളുമായി സഹകരിച്ച് മന്ത്രാലയം പ്രതിജ്ഞാബദ്ധമാണെന്നും മന്ത്രാലയം എക്‌സിലൂടെ അറിയിച്ചു.
യുഎസിൽ, ഗ്രിംവേ ഫാംസ് എന്ന ഫാം വിൽക്കുന്ന ഓർഗാനിക് ഹോൾ ബാഗ്ഡ് ക്യാരറ്റുകളുടെയും ബേബി ക്യാരറ്റുകളുടെയും ഒന്നിലധികം ബ്രാൻഡുകൾ നിലവിൽ ഇ.കോളി O121 അണുബാധയുടെ മൾട്ടിസ്റ്റേറ്റ് കണ്ടെത്തിയതിന്റെ ഭാഗമായി സെൻ്റർസ് ഓഫ് ഡിസീസ് കൺട്രോൾ ആൻഡ് പ്രിവൻഷൻ്റെ (CDC) അന്വേഷണത്തിലാണ് ഇക്കാര്യം വെളിപ്പെടുത്തിയിരിക്കുന്നത്.
