ദുബായ് സഫാരി പാർക്കിലെ സന്ദർശന സമയം പരിമിത കാലത്തേക്ക് നീട്ടുന്നു
ഇതനുസരിച്ച് 2024 ഡിസംബർ 13 മുതൽ 2025 ജനുവരി 12 വരെ വൈകുന്നേരം 6 മണി മുതൽ 8 മണി വരെയാണ് സന്ദർശന സമയം നീട്ടുന്നത്. ഡിസംബർ 11 മുതൽ പാർക്കിൻ്റെ വെബ്‌സൈറ്റിൽ ടിക്കറ്റുകൾ ലഭ്യമാകും.
ഈ സന്ദർശന സമയം നീട്ടുന്നതിലൂടെ സന്ദർശകർക്ക് രാത്രിയിലെ കൂടുതൽ ആകർഷണം അനുഭവിക്കാനാകും. വൈകുന്നേരത്തെ സന്ദർശകർക്ക് രാത്രിയുടെ ആഴം കൂടുന്നതിനനുസരിച്ച് മൃഗങ്ങളുടെ സ്വഭാവത്തിലെ മാറ്റങ്ങൾ നിരീക്ഷിക്കാൻ കഴിയും. പാർക്കിലെ സിംഹങ്ങൾ കൂടുതൽ ഗർജ്ജിക്കും, സാധാരണയായി പിടികിട്ടാത്ത പിഗ്മി ഹിപ്പോകൾ കൂടുതൽ സജീവമായിരിക്കും.
