ഷാർജ ഭരണാധികാരി ഷെയ്ഖ് ഡോ. സുൽത്താൻ ബിൻ മുഹമ്മദ് അൽ ഖാസിമി 2025-ലെ ഷാർജ എമിറേറ്റിൻ്റെ “ഏറ്റവും വലിയ” ബജറ്റിന് അംഗീകാരം നൽകി. സാമ്പത്തിക വളർച്ച വർധിപ്പിക്കാൻ 42 ബില്യൺ ദിർഹത്തിനാണ്‌ (11.43 ബില്യൺ ഡോളർ) അംഗീകാരം നൽകിയിരിക്കുന്നത്.
2024 ബജറ്റുമായി താരതമ്യപ്പെടുത്തുമ്പോൾ 2025 ലേക്കുള്ള ബജറ്റ് 2 ശതമാനം കൂടുതലാണ്, ശമ്പളവും വേതനവും 27 ശതമാനവും പ്രവർത്തനച്ചെലവ് 23 ശതമാനവും ആണെന്ന് സംസ്ഥാന വാർത്താ ഏജൻസി വാം തിങ്കളാഴ്ച റിപ്പോർട്ട് ചെയ്തു.
അടിസ്ഥാന സൗകര്യങ്ങൾ, സാമൂഹിക ക്ഷേമം, സാംസ്കാരിക സംരംഭങ്ങൾ, ടൂറിസം എന്നിവയിലെ നിക്ഷേപത്തിലൂടെ ജീവിത നിലവാരം മെച്ചപ്പെടുത്തുന്നതിന് ഊന്നൽ നൽകുന്നതാണ് ബജറ്റിൻ്റെ കേന്ദ്ര സ്തംഭം. ശക്തമായ സാമ്പത്തിക അന്തരീക്ഷം സൃഷ്ടിക്കുന്നതിന് പൊതു-സ്വകാര്യ മേഖലകളെ പിന്തുണയ്ക്കുന്നതോടൊപ്പം ഭവന പരിഹാരങ്ങളും തൊഴിലവസരങ്ങളും നൽകുന്നതിനും ഈ ബജറ്റ് മുൻഗണന നൽകുന്നുണ്ട്.
