1 ബില്യൺ ഫോളോവേഴ്‌സ് ഉച്ചകോടിയുടെ ഭാഗമായി ഇന്നലെ ദുബായിലെ എമിറേറ്റ്‌സ് ടവേഴ്‌സിൽ ആദ്യത്തെ ക്രിയേറ്റേഴ്‌സ് ആസ്ഥാനം ആരംഭിച്ചു,
ഈ പയനിയറിംഗ് സംരംഭം ലോകമെമ്പാടുമുള്ള ഇൻഫ്ലുവൻസേഴ്‌സിനേയും വ്യവസായ പ്രമുഖരെയും ഒന്നിപ്പിക്കാൻ ശ്രമിക്കുന്നതാണ്. ഡിജിറ്റൽ മീഡിയയുടെ പ്രധാന ലക്ഷ്യസ്ഥാനമായി യുഎഇയെ സ്ഥാപിക്കാനും “അടുത്ത കാലയളവിൽ” 10,000 സ്വാധീനക്കാരെ യുഎഇയിലേക്ക് ആകർഷിക്കാനും ഈ ക്രിയേറ്റേഴ്‌സ് ആസ്ഥാനംലക്ഷ്യമിടുന്നു.
2024 ലെ 1 ബില്യൺ ഫോളോവേഴ്‌സ് ഉച്ചകോടിയുടെ രണ്ടാം പതിപ്പിൽ യുഎഇ വൈസ് പ്രസിഡൻ്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂമിൻ്റെ നിർദേശപ്രകാരം ആരംഭിച്ച ‘ഇൻഫ്ലുവൻസേഴ്‌സ് സപ്പോർട്ട് ഫണ്ടിൽ’ നിന്നാണ് ഈ സംരംഭം ഉടലെടുത്തത്.
