യുഎഇയിൽ നാളെ ജനുവരി 23 വ്യാഴാഴ്ച പൊടി നിറഞ്ഞ കാലാവസ്ഥ പ്രതീക്ഷിക്കാമെന്ന് നാഷണൽ സെൻ്റർ ഓഫ് മെറ്റീരിയോളജി (NCM) കാലാവസ്ഥാ ബുള്ളറ്റിനിലൂടെ അറിയിച്ചു.
യുഎഇയുടെ പടിഞ്ഞാറൻ മേഖലകളിൽ മൂടൽമഞ്ഞ് രൂപപ്പെടാൻ സാധ്യതയുള്ളതിനാൽ ചില ആന്തരിക പ്രദേശങ്ങളിൽ നാളെ രാത്രിയും വെള്ളിയാഴ്ച രാവിലെയും കാലാവസ്ഥ ഈർപ്പമുള്ളതാകാൻ സാധ്യതയുണ്ടെന്നും NCM പ്രവചിച്ചിട്ടുണ്ട്.
കൂടാതെ, 10km/hour-25km/hour വേഗതയിൽ കിഴക്ക് മുതൽ വടക്കുകിഴക്ക് വരെയുള്ള കാറ്റ്, പൊടി നിറഞ്ഞ അവസ്ഥയിലേക്ക് നയിക്കുകയും തിരശ്ചീനമായ ദൃശ്യപരത കുറയ്ക്കുകയും ചെയ്യുമെന്നും പ്രതീക്ഷിക്കുന്നു.
കാറ്റിൻ്റെ വേഗം മണിക്കൂറിൽ 40 കിലോമീറ്റർ വരെയാകാം.
