അറബ് ഹെൽത്ത് 2025-ലെ പങ്കാളിത്തത്തിൻ്റെ ഭാഗമായി ആർട്ടിഫിഷ്യൽ ഇൻ്റലിജൻസ് ഉപയോഗിച്ച് സ്തനാർബുദം നേരത്തേ കണ്ടെത്തുന്നതിനുള്ള ഒരു നൂതന പരിപാടി അവതരിപ്പിക്കാൻ എമിറേറ്റ്സ് ഹെൽത്ത് സർവീസസ് (EHS) ഒരുങ്ങുന്നു.
വിദ്യാഭ്യാസ മന്ത്രാലയത്തിൻ്റെയും ആരോഗ്യ-പ്രതിരോധ മന്ത്രാലയത്തിൻ്റെയും സഹകരണത്തോടെയാണ് ഉപകരണം വികസിപ്പിച്ചത്. ഇത് പരമ്പരാഗത മാമോഗ്രാഫിയെ പൂർത്തീകരിക്കുകയും നേരത്തെയുള്ള കണ്ടെത്തൽ നിരക്ക് വർദ്ധിപ്പിക്കുകയും അതിജീവന ഫലങ്ങൾ ഗണ്യമായി മെച്ചപ്പെടുത്തുകയും ചെയ്യുന്നു.
മിഡിൽ ഈസ്റ്റിലെയും ആഗോളതലത്തിലെയും ഏറ്റവും വലിയ ഹെൽത്ത് കെയർ എക്സിബിഷനുകളിലും കോൺഫറൻസുകളിലും ഒന്നായാണ് അറബ് ഹെൽത്ത് ഇവെന്റിനെ കണക്കാക്കപ്പെടുന്നത്. വാർഷിക ഹെൽത്ത് കെയർ ഇവൻ്റിൻ്റെ 50-ാമത് എഡിഷൻ ഇന്ന് തിങ്കളാഴ്ച ആരംഭിച്ച് ജനുവരി 30 വരെ ദുബായിലെ വേൾഡ് ട്രേഡ് സെൻ്ററിൽ നടക്കുകയും ചെയ്യും.
