ദൈനംദിന ഓഫീസ് ജോലികൾ മാറ്റിമറിക്കുന്ന AI ജീവനക്കാരെ നിയമിച്ചതായി ദുബായ് ഹെൽത്ത് അതോറിറ്റി (DHA) അറിയിച്ചു. പുതിയ റോബോട്ടിക് പ്രോസസ് ഓട്ടോമേഷൻ (RPA) സാങ്കേതികവിദ്യ, AI- ഓടിക്കുന്ന മെഷീൻ ലേണിംഗും, കണ്ടന്റ് തിരിച്ചറിയലും സംയോജിപ്പിച്ച് രണ്ട് മിനിറ്റിനുള്ളിൽ ടാസ്‌ക്കുകൾ പൂർത്തിയാകും. മുമ്പ് ഈ പ്രോസസ്സിന് 24 മണിക്കൂർ എടുത്തിരുന്നു.
“ടാസ്‌ക് പൂർത്തീകരണ സമയം കുറയ്ക്കുകയും പ്രവർത്തനങ്ങൾ കാര്യക്ഷമമാക്കുകയും ചെയ്തുകൊണ്ട് വർക്ക്ഫ്ലോകളെ പരിവർത്തനം ചെയ്യുന്നതിനാണ് ഈ AI സംവിധാനം സജ്ജീകരിച്ചിരിക്കുന്നത്. ദൈനംദിന പ്രവർത്തനങ്ങളിൽ ഈ സാങ്കേതികവിദ്യ ഉപയോഗിക്കുന്ന ആദ്യത്തെ സ്ഥാപനമായതിൽ DHA അഭിമാനിക്കുന്നുവെന്നും DHA യുടെ ഐടി ഡയറക്ടർ മജീദ് സുൽത്താൻ അൽ മെഹെരി പറഞ്ഞു.
