ടാലന്റ് ബുക്ക് ഓഫ് റെക്കോർഡിൽ ഇടം നേടി പാത്രമംഗലം ഗ്രാമം. പ്രദേശത്തെ മുഴുവൻ വീടുകളേയും ഒരു വേദിയിൽ ഒരുമിച്ചാദരിച്ചാണ് പാത്രമംഗലം ഗ്രാമം ടാലന്റ് വേൾഡ് റെക്കോർഡിൽ ഇടം പിടിച്ചത്.
വേലൂർ പഞ്ചായത്തിലെ പാത്രമംഗലം പാലത്തിൻ്റെ 50-ാം വാർഷികാഘോഷത്തിൻ്റെ ഭാഗമായാണ് ഗ്രാമത്തിലെ മുഴുവൻ വീടുകളേയും ഒരു വേദിയിൽ മെമന്റോ നൽകി ആദരിച്ചത്.
ദുബായിൽ എഡിറ്റർ ആയി ജോലി ചെയ്യുന്ന അഷറഫ് പാത്രമംഗലമാണ് തന്റെ നാടിന് വേണ്ടി ഇത്തരത്തിൽ ഒരു ചടങ്ങ് സംഘടിപ്പിച്ചത്. 315 കുടുംബങ്ങളാണ് ആദരവ് ഏറ്റ് വാങ്ങിയത്. മോസ്റ്റ് നമ്പർ ഓഫ് വില്ലേജ് ഹൗസ സ് ഹോണേർഡ് ഇൻ എ സിംഗിൾ വെന്യു എന്ന കാറ്റഗറിയിലുള്ള അറ്റൻ്റിനാണ് വേൾഡ് റെക്കോർഡ് ലഭിച്ചത്.
