ഷാർജ റമദാൻ ഉത്സവത്തോടനുബന്ധിച്ച് ഓഫർ ചെയ്യുന്ന ഡിസ്കൗണ്ടുകളും സമ്മാനങ്ങളും ഇന്ന് ഫെബ്രുവരി 22 ന് ആരംഭിക്കും. റമദാൻ ഫെസ്റ്റിവൽ 2025 ഫെബ്രുവരി 22-ന് ആരംഭിച്ച് മാർച്ച് 31 വരെ ഷാർജ എമിറേറ്റിലെ വിവിധ നഗരങ്ങളിലും പ്രദേശങ്ങളിലും ആണ് നടക്കുക.
എമിറേറ്റിലെ സന്ദർശകർക്കും താമസക്കാർക്കും ഷാർജ വാഗ്ദാനം ചെയ്യുന്ന മികച്ച വിനോദങ്ങളും ഡിസ്കൗണ്ടുകളും വിലപ്പെട്ട സമ്മാനങ്ങളും ആസ്വദിക്കാനുള്ള അവസരം ഈ ഫെസ്റ്റിവൽ നൽകും.
പ്രധാന ഷോപ്പിംഗ് സെൻ്ററുകൾ, റീട്ടെയിൽ ഷോപ്പുകൾ, ചെറുകിട ബിസിനസുകൾ, സംരംഭകർ എന്നിവരിൽ നിന്നുള്ള വിപുലമായ പങ്കാളിത്തം ഉൾക്കൊള്ളുന്ന ഈ ഉത്സവം ഈ മേഖലയിലെ ഏറ്റവും പ്രധാനപ്പെട്ട സാംസ്കാരിക, സാമൂഹിക, സാമ്പത്തിക ഉത്സവങ്ങളിലൊന്നായി കണക്കാക്കപ്പെടുന്നു.
