ദുബായ്: ചാംപ്യൻസ് ട്രോഫി ഫൈനൽ ലക്ഷ്യമിട്ട് ഇന്ത്യ ഇന്ന് ഒന്നാം സെമി പോരാട്ടത്തിൽ ഓസ്ട്രേലിയയുമായി ഏറ്റുമുട്ടും. ഉച്ചയ്ക്ക് യു എ ഇ സമയം ഒരു മണി മുതലാണ് പോരാട്ടം.
ഐസിസി പോരാട്ടങ്ങളുടെ നോക്കൗട്ട് ഘട്ടത്തിൽ സമീപ കാലത്തൊന്നും ഓസീസിനെതിരെ വിജയം സ്വന്തമാക്കാൻ ഇന്ത്യക്ക് സാധിച്ചിട്ടില്ല. ഈ കുറവു പരിഹരിച്ച് കലാശപ്പോരിലേക്ക് മുന്നേറുകയാണ് ടീം ലക്ഷ്യമിടുന്നത്.
ലോക ക്രിക്കറ്റിലെ വൻ ശക്തികൾ പോരിനിറങ്ങുമ്പോൾ ആവേശപ്പോരാട്ടമാണ് ആരാധകരെ കാത്തിരിക്കുന്നത്. സഹചര്യങ്ങൾ നിലവിൽ ഇന്ത്യക്ക് അനുകൂലമാണ്.
