വ്യാജ ഉൽപ്പന്നങ്ങൾ കണ്ടെത്തുന്നതിന് അത്യാധുനിക ഡിജിറ്റൽ സാങ്കേതികവിദ്യയും AI-യും ഉപയോഗിക്കുമെന്ന് അധികൃതർ അറിയിച്ചു. അതോടൊപ്പം വഞ്ചനയെ ചെറുക്കുന്നതിന് അതിർത്തി കടന്നുള്ള സഹകരണവും വർദ്ധിപ്പിക്കും.
അബുദാബി ജുഡീഷ്യൽ ഡിപ്പാർട്ട്‌മെന്റ് സംഘടിപ്പിച്ച ഉപഭോക്തൃ അവകാശങ്ങളും ദേശീയ വ്യവസായങ്ങൾ വികസിപ്പിക്കലും എന്ന വിഷയത്തിൽ നടന്ന അബുദാബി ഫോറത്തിലെ പ്രധാന വിഷയങ്ങളായിരുന്നു ഇവയെല്ലാം.
മെച്ചപ്പെട്ട വിപണി സംവിധാനത്തിലേക്ക് നയിക്കുന്ന താഴെ പറയുന്ന ശുപാർശകളും യോഗം മുന്നോട്ടുവെച്ചിരുന്നു.
- വാണിജ്യ തട്ടിപ്പ് നടത്തുന്നവർക്കെതിരെ ഭരണപരമായ ഉപരോധങ്ങൾ കർശനമാക്കുക.
- ഉൽപ്പന്ന ആധികാരികത ഉറപ്പാക്കാൻ വിപുലമായ ഗുണനിലവാര നിയന്ത്രണ കേന്ദ്രങ്ങൾ സ്ഥാപിക്കുക.
- തത്സമയ വിതരണ ശൃംഖല നിരീക്ഷണത്തിനായി ഡിജിറ്റൽ പരിഹാരങ്ങളുടെ ഉപയോഗം വിപുലീകരിക്കുക.
- വ്യാജ ഉൽപ്പന്നങ്ങൾ തിരിച്ചറിയാൻ ഉപഭോക്താക്കളെ സഹായിക്കുന്നതിന് പൊതുജന അവബോധ കാമ്പെയ്‌നുകൾ വർദ്ധിപ്പിക്കുക.
