യുഎഇയിലെ സ്വകാര്യ മേഖലയിലെ ജീവനക്കാർക്ക് ഈദ് അൽ ഫിത്തർ പ്രമാണിച്ച് മാർച്ച് 30 ഞായറാഴ്ച മുതൽ ഏപ്രിൽ 1 ചൊവ്വാഴ്ച വരെ ശമ്പളത്തോടെയുള്ള അവധി ലഭിക്കും.
രാജ്യത്തുടനീളമുള്ള ഈ മേഖലയിലെ എല്ലാ ജീവനക്കാർക്കും ഈ അവധി ബാധകമാണെന്ന് മാനവ വിഭവശേഷി, സ്വദേശിവൽക്കരണ മന്ത്രാലയം (Mohre) അറിയിച്ചു. റമദാൻ മാസം 30-ാം ദിവസം അവസാനിക്കുകയാണെങ്കിൽ, അവധി ഏപ്രിൽ 2 ബുധനാഴ്ച വരെ നീട്ടുമെന്ന് മന്ത്രാലയം കൂട്ടിച്ചേർത്തു. അതിനാൽ, ശവ്വാൽ മാസപ്പിറവിയെ ആശ്രയിച്ചിരിക്കും അവധി ദിനങ്ങളുടെ ദൈർഘ്യം.
