ആർ‌ടി‌എയുടെ 22 കെട്ടിടങ്ങളിലും സൗകര്യങ്ങളിലും സൗരോർജ്ജ സംവിധാനങ്ങൾ (സോളാർ പാനലുകൾ) സ്ഥാപിക്കുന്നതിനുള്ള ഒരു പദ്ധതി വിജയകരമായി പൂർത്തിയാക്കിയതായി ദുബായിലെ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി ((RTA) പ്രഖ്യാപിച്ചു. പാരിസ്ഥിതിക ആഘാതം കുറയ്ക്കുന്നതിനൊപ്പം പുനരുപയോഗ ഊർജ്ജത്തിന്റെ ഉപയോഗം വർദ്ധിപ്പിക്കുന്നതിനാണ് ഈ സംരംഭം രൂപകൽപ്പന ചെയ്തിരിക്കുന്നത്.
ഈ പുനരുപയോഗ ഊർജ്ജ പദ്ധതി ഉടൻ തന്നെ ദുബായിയുടെ വായു ഗുണനിലവാരം കൂടുതൽ ശുദ്ധമാക്കാൻ സഹായിക്കും.
ദുബായിയുടെ വിശാലമായ പാരിസ്ഥിതിക ലക്ഷ്യങ്ങളെ പിന്തുണയ്ക്കുന്നതിലൂടെ, സുസ്ഥിരതയോടുള്ള ആർ‌ടി‌എയുടെ പ്രതിബദ്ധതയും ശുദ്ധമായ ഊർജ്ജ പരിഹാരങ്ങൾ സ്വീകരിക്കുന്നതും ഈ പദ്ധതി എടുത്തുകാണിക്കുന്നു. യുഎഇയുടെ സീറോ-എമിഷൻസ് സ്ട്രാറ്റജി 2050, ദുബായ് ക്ലീൻ എനർജി സ്ട്രാറ്റജി 2050, ദുബായ് ഇന്റഗ്രേറ്റഡ് എനർജി സ്ട്രാറ്റജി 2030 എന്നിവയുമായി ഇത് യോജിക്കുന്നു.
