തകർന്ന കെട്ടിടത്തിന്റെ അവശിഷ്ടങ്ങൾക്കടിയിൽ ജീവന്റെ ലക്ഷണങ്ങൾ കണ്ടെത്താൻ കഴിവുള്ള സോണിക് സ്കാനർ മുതൽ 360° സെർച്ച് ക്യാമറ വരെയുള്ള തങ്ങളുടെ ഏറ്റവും പുതിയ രക്ഷാ ഉപകരണങ്ങളും സാങ്കേതികവിദ്യയും അബുദാബിയിൽ നടന്ന ദ്വിദിന വേൾഡ് ക്രൈസിസ് ആൻഡ് മാനേജ്‌മെന്റ് ഉച്ചകോടിയിൽ (WCEMS) ദുബായ് പോലീസ് പ്രദർശിപ്പിച്ചു.
#News | Dubai Police showcases Cutting-Edge Rescue Equipment at Emergency & Crises Summit
Details:https://t.co/Lyo3txJ3Xl#WCEMS2025 pic.twitter.com/qxzIBgBDvG
— Dubai Policeشرطة دبي (@DubaiPoliceHQ) April 8, 2025
അഗ്നിശമന, രക്ഷാ ഉപകരണങ്ങൾ ഘടിപ്പിച്ച എടിവി അല്ലെങ്കിൽ ഓൾ-ടെറൈൻ വെഹിക്കിൾ, തെർമൽ ഇമേജിംഗ്, നാവിഗേഷൻ സംവിധാനങ്ങളുള്ള റെസ്ക്യൂ ഡ്രോണുകൾ വരെ, ദുബായ് പോലീസ് അവരുടെ ഏറ്റവും പുതിയ രക്ഷാ ഉപകരണങ്ങൾ മാത്രമല്ല – അതിലും പ്രധാനമായി – ഏത് സാഹചര്യത്തിലും ആരെയും സേവിക്കാനും രക്ഷിക്കാനും തങ്ങൾ തയ്യാറാണെന്ന് ഈ പ്രദർശനത്തിലൂടെ ദുബായ് പോലീസ് പൊതുജനങ്ങൾക്ക് ഉറപ്പ് നൽകുകയാണ്.
അടിയന്തര തയ്യാറെടുപ്പിനും ഏത് തരത്തിലുള്ള പ്രതിസന്ധികളോടും ദുരന്തങ്ങളോടും പ്രതികരിക്കാനുള്ള സന്നദ്ധതയ്ക്കും വേണ്ടിയുള്ള പ്രതിബദ്ധത പ്രകടിപ്പിക്കുക എന്നതാണ് തങ്ങളുടെ ലക്ഷ്യമെന്ന് ദുബായ് പോലീസിലെ എലൈറ്റ് സെർച്ച് ആൻഡ് റെസ്ക്യൂ ബ്രിഗേഡിലെ ഉദ്യോഗസ്ഥനായ ഹസ്സൻ അൽ മഈനി പറഞ്ഞു.
