യുഎഇയിലെ ദശലക്ഷക്കണക്കിന് ദുബായ് പ്രവാസികളായ ഇന്ത്യക്കാരെ ലക്ഷ്യമിട്ട് സൂപ്പർ ആപ്പായ കരീം ആപ്പിലൂടെ ഓർഡറുകൾ ചെയ്യുമ്പോൾ 24 കാരറ്റ് സ്വർണ്ണ നാണയങ്ങൾ നേടാൻ അവസരമുണ്ടാകും.
ദുബായ് ആസ്ഥാനമായുള്ള, ഉബർ ടെക്നോളജീസ് ഇൻ‌കോർപ്പറേറ്റഡിന്റെ മിഡിൽ ഈസ്റ്റേൺ അനുബന്ധ സ്ഥാപനത്തിൽ നിന്നുള്ള ഒരു സ്പിൻ-ഔട്ട് ആയ കരീം ടെക്നോളജീസ്, ഉപയോക്താക്കൾക്ക് ഒറ്റ ഓർഡറിൽ 10,000 ദിർഹം ($2,723) വരെ സ്വർണ്ണം വാങ്ങാൻ അനുവദിക്കുന്ന ഒരു കാമ്പെയ്‌ൻ ആണ് ആരംഭിച്ചിട്ടുള്ളത്.
ഇന്ത്യയിലെ ഏറ്റവും വലിയ ജ്വല്ലറിയായ ടൈറ്റൻ കമ്പനിയുടെ മുൻനിര ബ്രാൻഡായ തനിഷ്‌ക് ആണ് സ്വർണ്ണം വിതരണം ചെയ്യുന്നത്. സ്വർണ്ണം വാങ്ങുന്നത് ശുഭകരമായി കരുതുന്ന ഹിന്ദു ഉത്സവമായ അക്ഷയ തൃതീയയോട് അനുബന്ധിച്ചാണ് ഈ പുതിയ കാമ്പെയ്‌ൻ ഒരുക്കുന്നത്.
എവരിതിംഗ് ആപ്പ്’ എന്ന് വിളിക്കപ്പെടുന്ന ഈ ആപ്പ് ഭക്ഷണ, പലചരക്ക് ഡെലിവറികൾ, കാർ വാടകയ്‌ക്കെടുക്കൽ, പണ കൈമാറ്റം, അലക്കൽ, വീട് വൃത്തിയാക്കൽ, സംഭാവന സേവനങ്ങൾ എന്നിവയെല്ലാം നൽകുന്നുണ്ട്.
