മലപ്പുറം ചങ്ങരംകുളം സ്വദേശി മജീദ് കിഴക്കേതിൽ (52) റാസൽഖൈമയിൽ അന്തരിച്ചു . ഹൃദയാഘാതത്തെ തുടർന്ന് ഇന്നലെ വ്യാഴാഴ്ച്ച രാത്രിയായിരുന്നു അന്ത്യം. നന്നംമുക്ക് കിഴക്കേതിൽ വീട്ടിൽ സൈദ് (മൊനുട്ടി)-ആമിനു ദമ്പതികളുടെ മകനാണ്.
ദീർഘനാളായി യുഎഇയിലുള്ള മജീദ് ആഭ്യന്തര മന്ത്രാലയം ജീവനക്കാരനായി സേവനമനുഷ്ഠിച്ച് വരികയായിരുന്നു. മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടികൾ പൂർത്തിയാക്കി ഇന്ന് വെള്ളിയാഴ്ച്‌ച രാത്രി നാട്ടിലേക്ക് കൊണ്ടു പോകും.
ഭാര്യ: റസിയ തരിയത്ത്. മക്കൾ: അസ്‌ലം, ഫൈസാൻ, അമീൻ. സഹോദരങ്ങൾ: റുഖിയ, ജമീല, ഷാഫി.
