ഷാർജയിലെ അൽ ഖുതൈനയിലെ താമസക്കാർക്ക് ഇപ്പോൾ വീടുകളിലേക്കുള്ള ഗ്യാസ് വിതരണത്തെക്കുറിച്ച് ആശങ്കയില്ല. ദീർഘകാലമായി ഉപയോഗിച്ചിരുന്ന LPG സിലിണ്ടറുകൾക്ക് പകരം ഇപ്പോൾ ഗ്യാസ് പൈപ്പ്‌ലൈൻ പദ്ധതി ആരംഭിച്ചിട്ടുണ്ടെന്ന് ഷാർജ ഇലക്ട്രിസിറ്റി, വാട്ടർ ആൻഡ് ഗ്യാസ് അതോറിറ്റി (SEWA) അറിയിച്ചു.
ഈ പദ്ധതി സുരക്ഷിതവും കൂടുതൽ സൗകര്യപ്രദവുമായ ഗ്യാസ് വിതരണം നടത്തുന്നു.അൽ ഖുതൈനയിൽ ദീർഘകാലമായി താമസിക്കുന്ന പലർക്കും, പൈപ്പ് ഗ്യാസിലേക്കുള്ള ഈ മാറ്റം സ്വാഗതാർഹമായ ആശ്വാസം നൽകി.
പുതുതായി പൂർത്തിയാക്കിയ ഈ അൽ ഖുതൈന 1 ഗ്യാസ് പൈപ്പ്‌ലൈൻ പദ്ധതി 18 കിലോമീറ്റർ ആണ് വ്യാപിച്ചുകിടക്കുന്നത്. ഇതുവരെ 350 ലധികം വീടുകളിൽ ആണ് ഈ ഗ്യാസ് പൈപ്പ്‌ലൈൻ പദ്ധതി എത്തിച്ചേർന്നിരിക്കുന്നത്. പ്രദേശത്തെ ശൃംഖലയുടെ 53 ശതമാനം പൂർത്തിയായതായും ശേഷിക്കുന്ന ജോലികൾ ക്രമാനുഗതമായി പുരോഗമിക്കുന്നതായും SEWA പറഞ്ഞു.
എമിറേറ്റിലുടനീളം പ്രകൃതി വാതക സേവനങ്ങൾ വിപുലീകരിക്കാനുള്ള SEWA യുടെ പദ്ധതിയിലെ ഒരു പ്രധാന നാഴികക്കല്ലാണ് ഈ നീക്കം.
