യുഎഇയിൽ നാല് ദിവസത്തെ ബലിപെരുന്നാൾ അവധിക്ക് ഇന്ന് തുടക്കമായി. ഇന്ന് 2025 ജൂൺ 5 (അറഫാദിനം) വ്യാഴാഴ്ച മുതല്‍ ജൂൺ എട്ട് വരെയാണ് പൊതു -സ്വകാര്യ മേഖലാ ജീവനക്കാര്‍ക്ക് അവധി ലഭിക്കുക. ജൂൺ 9 തിങ്കളാഴ്ച മുതല്‍ പ്രവൃത്തി ദിവസം പുനരാരംഭിക്കും. നാളെ ജൂൺ 6 വെള്ളിയാഴ്ചയാണ് ബലിപെരുന്നാൾ
ബലിപെരുന്നാളിന്റെ തുടക്കം കുറിക്കാൻ ദുബായിലുടനീളം പീരങ്കികൾ മുഴങ്ങും, പരമ്പരാഗത ആഘോഷത്തിനുള്ള ഒരുക്കങ്ങൾ പൂർത്തിയായതായി ദുബായ് പോലീസ് അറിയിച്ചു. ഉത്സവ അവധിക്കാലത്തിന്റെ ആരംഭത്തെ സൂചിപ്പിക്കുന്ന ആചാരപരമായ പീരങ്കി വെടിക്കെട്ടിനായി സാബീൽ ഗ്രാൻഡ് മസ്ജിദ്, സാബീൽ, ഈദ് മുസല്ല, ഉമ്മു സുഖീം, ഈദ് മുസല്ല, നാദ് അൽ ഹമർ, ഈദ് മുസല്ല, അൽ ബർഷ, ഈദ് മുസല്ല, അൽ ബറാഹ, ഈദ് മുസല്ല, ഹത്ത എന്നിങ്ങനെ ദുബായ് എമിറേറ്റിലുടനീളമുള്ള ആറ് സ്ഥലങ്ങൾ തിരഞ്ഞെടുത്തിട്ടുണ്ട്.
യുഎഇയുടെ പൈതൃകത്തിന്റെ ഒരു പ്രധാന ഭാഗമാണ് പീരങ്കി വെടിവെപ്പ്. വിശുദ്ധ റമദാൻ മാസത്തിൽ, ഇഫ്താറിനെ സൂചിപ്പിക്കാൻ പീരങ്കി വെടിവയ്ക്കാറുണ്ട്. ഈദ് അൽ അദ്ഹയ്ക്കും, ഈദ് അൽ ഫിത്തറിനും, ഉത്സവത്തിന്റെ തുടക്കം പ്രഖ്യാപിക്കാനാണ് ഇത് ചെയ്യുന്നത്.
