തായ്‌ലൻഡിലെ ഫുക്കറ്റിൽ നിന്ന് ഇന്ത്യയുടെ തലസ്ഥാനമായ ന്യൂഡൽഹിയിലേക്ക് പറന്ന എയർ ഇന്ത്യ വിമാനത്തിന് ഇന്ന് വെള്ളിയാഴ്ച ബോം ബ് ഭീഷണി ലഭിച്ചതിനെ തുടർന്ന് തായ്‌ലൻഡിൽ അടിയന്തരമായി ലാൻഡിംഗ് നടത്തിയതായി വിമാനത്താവള അധികൃതർ അറിയിച്ചു.
അടിയന്തര പദ്ധതികൾക്കനുസൃതമായി AI 379 വിമാനത്തിലെ 156 യാത്രക്കാരെയും വിമാനത്തിൽ നിന്ന് പുറത്തിറക്കിയതായി തായ്‌ലൻഡ് വിമാനത്താവള ഉദ്യോഗസ്ഥൻ പറഞ്ഞു. വെള്ളിയാഴ്ച രാവിലെ 9.30 ന് (GMT 0230) ഫൂക്കറ്റ് വിമാനത്താവളത്തിൽ നിന്ന് പറന്നുയർന്ന വിമാനമാണ് ബോം ബ് ഭീഷണിയെത്തുടർന്ന് ഫൂക്കറ്റ് വിമാനത്താവളത്തിൽ തന്നെ തിരിച്ചിറക്കിയത്.
ബോം ബ് ഭീഷണി സ്ഥിരീകരിക്കാൻ സുരക്ഷാ ഏജൻസികൾ വിശദമായ അന്വേഷണം ആരംഭിച്ചിട്ടുണ്ട്. റിപ്പോർട്ടുകൾ പ്രകാരം, വിമാനത്തിലെ എല്ലാ ജീവനക്കാരും യാത്രക്കാരും സുരക്ഷിതരാണ്.
