ജോബി ഏരിയൽ ടാക്സിയുടെ ദുബായിലെ ആദ്യ പരീക്ഷണ പറക്കൽ ഇന്ന് തിങ്കളാഴ്ച വിജയകരമായി പൂർത്തിയാക്കി.
റോഡ്‌സ് ആൻഡ് ട്രാൻസ്‌പോർട്ട് അതോറിറ്റിയും ജോബി ഏവിയേഷനും തമ്മിലുള്ള സഹകരണത്തിലൂടെ നടത്തിയ ഈ പരീക്ഷണ പറക്കൽ, അടുത്ത വർഷം പൂർണ്ണമായ പ്രവർത്തനങ്ങൾ ആരംഭിക്കുന്നതിനുള്ള ഒരു പ്രധാന ചുവടുവയ്പ്പാണ്.
രിസ്ഥിതി സൗഹൃദ നഗര ഗതാഗതത്തിൽ ഒരു പുതിയ കുതിച്ചുചാട്ടമാണ് പൂർണ്ണമായും വൈദ്യുതീകരിച്ച ഈ ഏരിയൽ ടാക്സി പ്രതിനിധീകരിക്കുന്നത് – യാത്രാ സമയം കുറയ്ക്കുക, ജീവിത നിലവാരം ഉയർത്തുക, സുസ്ഥിര വികസനം മുന്നോട്ട് കൊണ്ടുപോകുക എന്നിവയാണ് ഇവയുടെ ലക്ഷ്യം,” ദുബായ് കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം എക്‌സിലെ ഒരു പോസ്റ്റിൽ പറഞ്ഞു.
നൂതന സാങ്കേതികവിദ്യകളുടെ നവീകരണത്തിലും വിന്യാസത്തിലും ലോകത്തെ നയിക്കുക എന്ന യുഎഇയുടെ വിശാലമായ കാഴ്ചപ്പാടിന്റെ ഭാഗമാണ് ഈ പയനിയറിംഗ് സംരംഭം.
