കോട്ടയം മെഡിക്കൽ കോളേജ് ആശുപത്രിയിലെ വാർഡ് കെട്ടിടം പൊളിഞ്ഞ് വീണ സംഭവത്തിന് പിന്നാലെ 2 മണിക്കൂറുകൾക്ക് ശേഷം കെട്ടിടാവശിഷ്ടത്തിൽ നിന്നും ഒരു സ്ത്രീയെ പുറത്തെടുത്തു. കോട്ടയം മെഡിക്കൽ കോളേജ് ആശുപത്രിയിൽ മകളുടെ ശസ്ത്രക്രിയക്ക് വേണ്ടി കൂട്ടിയിരിപ്പിന് വന്നതാണ് ഈ സ്ത്രീ. മരിച്ച നിലയിലാണ് ഇവരെ പുറത്തെടുത്തതെന്നാണ് വിവരം
ആശുപത്രിയിലെ പതിനാലാം വാർഡിലെ കെട്ടിടമാണ് ഇന്ന് രാവിലെ 11 മണിയോടെ പൊളിഞ്ഞുവീണത്. 14-ാം വാർഡിൻ്റെ അടച്ചിട്ട ബാത്ത്റൂം ഭാഗമാണ് ഇടിഞ്ഞു വീണത്. 3 പേര്‍ക്ക് പരിക്കേറ്റു എന്നാണ് വിവരം. സാരമായ പരുക്കില്ല. അപകട സമയത്ത് കെട്ടിടത്തോട് ചേര്‍ന്ന് നിന്നവര്‍ക്കാണ് പരിക്കേറ്റത്. മന്ത്രിമാരായ വീണാ ജോര്‍ജും വി എന്‍ വാസവനും സ്ഥലത്തെത്തിയിട്ടുണ്ട്. അഗ്നിരക്ഷാ സേനയും പൊലീസും പരിശോധന തുടരുകയാണ്.
