ഗൾഫ് ഫാർമസ്യൂട്ടിക്കൽ ഇൻഡസ്ട്രീസ് (Julphar) ഗാസയിലെ ആശുപത്രികളിലേക്ക് 12 ടൺ മെഡിക്കൽ സഹായം അയച്ചു.
സഖർ ബിൻ മുഹമ്മദ് അൽ ഖാസിമി ചാരിറ്റി ആൻഡ് ഹ്യുമാനിറ്റേറിയൻ ഫൗണ്ടേഷനുമായി സഹകരിച്ചാണ് സഹായം അയച്ചതെന്ന് സംസ്ഥാന വാർത്താ ഏജൻസിയായ വാം റിപ്പോർട്ട് ചെയ്തു.
ദഹനസംബന്ധമായ തകരാറുകൾ പോലുള്ള അവസ്ഥകൾക്കുള്ള അവശ്യ മരുന്നുകളും, ചർമ്മരോഗങ്ങൾ ഉൾപ്പെടെയുള്ള ബാക്ടീരിയ, ഫംഗസ് അണുബാധകൾക്കുള്ള ആൻറിബയോട്ടിക്കുകൾ, വേദനസംഹാരികൾ, പനി കുറയ്ക്കുന്നവ എന്നിവയായിരുന്നു കയറ്റി അയച്ചത്.
യുഎഇയുടെ ഓപ്പറേഷൻ ചിവാലറസ് നൈറ്റ് 3 ( Operation Chivalrous Knight 3 ) പദ്ധതിയുടെ ഭാഗമായാണ് സഹായം എത്തിച്ചത്. 2023 ൽ പ്രസിഡന്റ് ഷെയ്ഖ് മുഹമ്മദ് ആരംഭിച്ച ഈ പദ്ധതി, എമിറേറ്റ്സ് റെഡ് ക്രസന്റുമായും യുഎഇയിലെ മാനുഷിക, ചാരിറ്റബിൾ സ്ഥാപനങ്ങളുമായും സഹകരിച്ചാണ് നടപ്പിലാക്കിയത്.
