വാഹനങ്ങളുടെ ഒഴുക്ക് മെച്ചപ്പെടുത്തുന്നതിനും തിരക്ക് കുറയ്ക്കുന്നതിനും ലക്ഷ്യമിട്ട് ദുബായിലെ തിരക്കേറിയ അൽ വാസൽ സ്ട്രീറ്റിലെയും അൽ മനാര സ്ട്രീറ്റിലെയും തിരക്കേറിയ ഇന്റർസെക്ഷനുകളിൽ ഗതാഗത നവീകരണ പ്രവർത്തനങ്ങൾ വിജയകരമായി പൂർത്തിയാക്കിയതായി റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) അറിയിച്ചു.
അൽ മനാര സ്ട്രീറ്റിൽ നിന്ന് ഷെയ്ഖ് സായിദ് റോഡിലേക്ക് പോകുന്ന വാഹനങ്ങൾക്ക് പുതിയ പാത കൂട്ടിച്ചേർക്കുന്നതും അതേ ദിശയിലേക്ക് പോകുന്ന വാഹനങ്ങൾക്ക് സൗകര്യമൊരുക്കുന്നതിനായി ഒരു പ്രത്യേക യു-ടേൺ പാതയുടെ നിർമ്മാണവും പദ്ധതിയിൽ പൂർത്തിയാക്കിയിട്ടുണ്ട്. ഗതാഗതം സുഗമമാക്കുന്നതിനും റോഡ് സുരക്ഷ വർദ്ധിപ്പിക്കുന്നതിനുമാണ് ഈ നവീകരണങ്ങൾ രൂപകൽപ്പന ചെയ്തിരിക്കുന്നത്.
ഈ പദ്ധതി പൂർത്തിയായതോടെ, ഇന്റർസെക്ഷനുകളിലെ പാതകളുടെ എണ്ണം മൂന്നായി വർദ്ധിച്ചു, ഇത് റോഡ് ശേഷി 50% വർദ്ധിപ്പിച്ചു. ഈ മെച്ചപ്പെടുത്തലുകൾ ഇതിനകം തന്നെ ഇന്റർസെക്ഷനുകളിലെ കാത്തിരിപ്പ് സമയം 30% കുറയ്ക്കാൻ കാരണമായിട്ടുണ്ടെന്ന് ആർ‌ടി‌എ പറയുന്നു.
نفذت #هيئة_الطرق_و_المواصلات أعمال تحسينات مرورية شاملة على تقاطع شارع الوصل مع شارع المنارة، وتضمنت إضافة حارة جديدة للمركبات القادمة من شارع المنارة بالاتجاه إلى شارع الشيخ زايد، إلى جانب توفير حركة الالتفاف إلى الخلف (U Turn) منفصلة للمركبات القادمة من شارع المنارة بالاتجاه… pic.twitter.com/PnmJaNWRPC
— RTA (@rta_dubai) July 9, 2025
