ഒമാനിലെ ദോഫാർ ഗവർണറേറ്റിലെ മക്ഷാന് ശേഷം സുൽത്താൻ സെയ്ദ് ബിൻ തൈമൂർ റോഡിൽ ഇന്ന് ജൂലൈ 11 വെള്ളിയാഴ്ച പുലർച്ചെ മൂന്ന് വാഹനങ്ങൾ കൂട്ടിയിടിച്ച് അപകടമുണ്ടായതായി റോയൽ ഒമാൻ പോലീസ് സോഷ്യൽ മീഡിയയിൽ അറിയിച്ചു.
രാവിലെ 7:00 മണിയോടെ നടന്ന അപകടത്തിൽ മൂന്ന് എമിറാത്തി പൗരന്മാരും, രണ്ട് ഒമാനി പൗരന്മാരും ഉൾപ്പെടെ അഞ്ച് പേർ മരിച്ചു .
ഒമ്പത് എമിറാത്തികളും, രണ്ട് ഒമാനികളും ഉൾപ്പെടെ 11 പേർക്ക് കൂടി പരിക്കേറ്റു. അഞ്ച് കുട്ടികളടക്കം പരിക്കുകളുടെ തീവ്രത വ്യത്യസ്തമാണെന്ന് പോലീസ് പറഞ്ഞു. അടിയന്തര സേവനങ്ങൾ വേഗത്തിൽ പ്രതികരിച്ചിരുന്നു. അപകടത്തിന്റെ കാരണത്തെക്കുറിച്ച് അന്വേഷണം പുരോഗമിക്കുകയാണ്.
