സോഷ്യൽ മീഡിയയിൽ വൈറലാവാൻ വേണ്ടി ഓടിക്കൊണ്ടിരിക്കുന്ന കാറിന് മുകളിൽ ഡാൻസ് ചെയ്യുന്ന വീഡിയോ വൈറലായതിന് പിന്നാലെ ദുബായിൽ 2 പേർക്ക് 50,000 ദിർഹം വീതം പിഴ ചുമത്തുകയും രണ്ട് കാറുകൾ ദുബായ് പോലീസ് പിടിച്ചെടുക്കുകയും ചെയ്തു. കാറിന് മുകളിൽ ഡാൻസ് ചെയ്യുക മാത്രമല്ല 2 പേർ പൊതുനിരത്തുകളിൽ അപകടകരമായ അഭ്യാസ പ്രകടനങ്ങൾ നടത്തുകയും ചെയ്തു.
https://twitter.com/DubaiPoliceHQ/status/1953728399391744132
ഈ സ്റ്റണ്ടുകളുടെ വീഡിയോകൾ ഓൺലൈനിൽ വൈറലായതിനെത്തുടർന്ന് ട്രാഫിക് പട്രോളിംഗിന് ഡ്രൈവർമാരെ തിരിച്ചറിയാൻ കഴിഞ്ഞതായി ദുബായ് പോലീസിലെ ജനറൽ ഡിപ്പാർട്ട്‌മെന്റ് ഓഫ് ട്രാഫിക് ആക്ടിംഗ് ഡയറക്ടർ ബ്രിഗേഡിയർ ജുമാ സലേം ബിൻ സുവൈദാൻ പറഞ്ഞു.
ആളുകളെ ആകർഷിക്കാൻ ഉദ്ദേശിച്ചുള്ള വീഡിയോ റെക്കോർഡുചെയ്യുന്നതിനിടയിൽ, രണ്ട് വ്യക്തികളും തങ്ങളുടെ ഓടുന്ന വാഹനങ്ങളുടെ ബോണറ്റുകളിൽ അശ്രദ്ധമായി കയറുന്നത് ദൃശ്യങ്ങളിൽ കാണാം.
ഇത്തരത്തിലുള്ള അശ്രദ്ധമായ പെരുമാറ്റം ഡ്രൈവർമാരുടെയും മറ്റ് റോഡ് ഉപയോക്താക്കളുടെയും സുരക്ഷയ്ക്ക് ഗുരുതരമായ അപകടമാണ് സൃഷ്ടിക്കുന്നത്. ഇത് ഗതാഗത നിയമങ്ങളുടെ വ്യക്തമായ ലംഘനമാണ്, ഇത് ഒരിക്കലും അനുവദിക്കില്ലെന്നും ബ്രിഗേഡിയർ ബിൻ സുവൈദാൻ പറഞ്ഞു. പിടിച്ചെടുത്ത 2 കാറുകൾ തിരികെ എടുക്കണമെങ്കിൽ ഇവർ 50,000 ദിർഹം വീതം നൽകേണ്ടിവരും.
